ಸಂತೆಕೆಲ್ಲೂರು ಪ್ರಾಥಮಿಕ ಆರೋಗ್ಯ ಕೇಂದ್ರ ಆವರಣವನ್ನು ಸ್ವಚ್ಛಗೊಳಿಸಿದ: ಅಭಿನಂದನ್ ಸಂಸ್ಥೆ

ಜಿಲ್ಲಾ ಸುದ್ದಿಗಳು 

ಮಸ್ಕಿ:ಅಭಿನಂದನ್ ಸಂಸ್ಥೆಯ ಸಂಡೆ ಫರ್ ಸೋಷಲ್ ವರ್ಕ್ ಅಭಿಯಾನದಡಿಯಲ್ಲಿ ಪ್ರತಿ ವಾರದಂತೆ ಈ ವಾರವು ಸಹ ಸಾಮಾಜಿಕ ಸೇವೆಯಲ್ಲಿ ತೊಡಗಿದ್ದು, ಈ ವಾರದ ಸೇವಾ ಕಾರ್ಯವನ್ನು ಸಂತೆಕೆಲ್ಲೂರು ಪ್ರಾಥಮಿಕ ಆರೋಗ್ಯ ಕೇಂದ್ರ ಆವರಣವನ್ನು ಸ್ವಚ್ಛಗೊಳಿಸಲಾಯಿತು. ಈ ಕಾರ್ಯದಲ್ಲಿ ಸಂತೆಕೆಲ್ಲೂರು ಗ್ರಾಮ ಪಂಚಾಯಿತಿ ಕಾರ್ಯಾಲಯವು ಜೆಸಿಬಿ ಯನ್ನು ನೀಡಿ ಸಹಕಾರ ನೀಡಿತು. ಈ ಸಂದರ್ಭದಲ್ಲಿ ಮಾತನಾಡಿದ ಸಿದ್ಧರಾಮಪ್ಪ ಸಾಹುಕಾರ್ ಮಾತನಾಡಿ ಅಭಿನಂದನ್ ಸಂಸ್ಥೆಯ ಸಂಡೆ ಫಾರ್ ಸೋಷಿಯಲ್ ವರ್ಕ್ ರಾಜ್ಯದ ಗಮನವನ್ನು ಮಸ್ಕಿಯತ್ತ ಸೆಳೆಯುತ್ತಿರುವುದು ನಮ್ಮ ಮಸ್ಕಿಗೆ ಹೆಮ್ಮೆಯ ವಿಷಯ ರಾಜ್ಯಾದ್ಯಂತ ಹೆರಸನ್ನು ಮಾಡಿತ್ತಿರುವ ಅಭಿನಂದನ್ ಸಂಸ್ಥೆಯಿಂದ ಆರಂಭವಾದ ಸಂಡೆ ಫಾರ್ ಸೋಶಿಯಲ್ ವರ್ಕ್ ಎಂಬ ನೂತನ ಅಭಿಯಾನದ ಸೇವಾ ಕಾರ್ಯವನ್ನು ನಮ್ಮ ಸರಕಾರಿ ಆಸ್ಪತ್ರೆಯ ಆವರಣವನ್ನು ಸ್ವಚ್ಛಗೊಳಿಸುವ ಉದ್ದೇಶದಿಂದ ಇಲ್ಲಿ ಕೈಗೊಂಡಿರುವದು ಸಂತಸದ ಸಂಗತಿಯಾಗಿದೆ ಹಾಗೂ ಈ ಅಭಿಯಾನದಲ್ಲಿ ಭಾಗವಹಿಸಿದ ಎಲ್ಲಾ ಸ್ವಯಂ ಸೇವಕರಿಗೆ ಹಾಗೂ ಅಭಿನಂದನ್ ಸಂಸ್ಥೆಗೂ ನಮ್ಮ ಸಂತೆಕೆಲ್ಲೂರು ಪರವಾಗಿ ಧನ್ಯವಾದಗಳನ್ನು ಅರ್ಪಿಸುತ್ತೇವೆ. ಹಾಗೆಯೇ ಇಂದಿನ ಕಾರ್ಯಗಳನ್ನು ಮಾಡುವ ಸ್ಪೂರ್ತಿದಾಯಕ ಮನಸ್ಕರರು ಸಿಗುವುದು ಬಹಳ ವಿರಳವಾಗಿದೆ ಇಂತಹ ಸಂದರ್ಭದಲ್ಲಿ ಸಂಡೆ ಫಾರ್ ಸೋಶಿಯಲ್ ವರ್ಕ್ ಎಂಬ ವಿಶಿಷ್ಟ ಅಭಿಯಾನವು ಯುವಕರನ್ನು ಸಮಾಜಮುಖಿ ಕಾರ್ಯಗಳಲ್ಲಿ ಪಾಲ್ಗೊಳ್ಳಲು ಪ್ರೇರೆಪಿಸುವ ಕಾರ್ಯ ಮಾಡುತ್ತಿದೆ. ಈ ಅಭಿಯಾನವು ಇನ್ನೂ ಹೆಚ್ಚಿನ ಜನರ ಮೆಚ್ಚುಗೆ ಪಡೆದು ಅವರೂ ಸಹ ಇದರಲ್ಲಿ ಭಾಗವಹಿಸುವಂತೆ ಮಾಡಲಿ ಎಂದು ಹೇಳಿದರು. 

ಇದೇ ಸಂದರ್ಭದಲ್ಲಿ ಗವಿಸಿದ್ದಪ್ಪ ಸಾಹುಕಾರ, ಟಿಪ್ಪು ಸುಲ್ತಾನ್ ಸಂಘದ ಬಂದೇನವಾಜ್, ಬಕ್ಷಾ ರೇಷ್ಮೆ, ಖಾನ್ಸಾಬ್, ಶಿವಪುತ್ರಪ್ಪ ಹಾಗೂ ಅಭಿನಂದನ್ ಸಂಸ್ಥೆಯ ಗೌರವಾಧ್ಯಕ್ಷರಾದ ಶಿವಪ್ರಸಾದ್ ಕ್ಯಾತ್ನಟ್ಟಿ, ಸಂಸ್ಥಾಪಕರಾದ ರಾಮಣ್ಣ ಹಂಪರಗುಂದಿ, ಶೃತಿ ಹಂಪರಗುಂದಿ, ಮಲ್ಲಿಕಾರ್ಜುನ ಬಡಿಗೇರ, ಬಸವರಾಜ ರಂಗಾಪುರ, ಅಮಿತಕುಮಾರ ಪುಟ್ಟಿ, ಮಲ್ಲಿಕಾರ್ಜುನ ಹಡಪದ, ಶ್ರೀಶೈಲ ಸಯ ಸಿಬ್ಬಂದಿಗಳು ಉಪಸ್ಥಿತರಿದ್ದರು.