ಮಹಿಳೆಯರಿಂದ ಭ್ರಮರಾಂಭ ದೇವಿಯ ರಥೋತ್ಸವ ಯಶಸ್ವಿ

ಜಿಲ್ಲಾ ಸುದ್ದಿಗಳು 

ಮಸ್ಕಿ: ಪಟ್ಟಣದ ಭ್ರಮರಾಂಭ ಮಲ್ಲಿಕಾರ್ಜುನ ದೇವಸ್ಥಾನದಲ್ಲಿ ಹುಣ್ಣಿಮೆಯ ಪ್ರಯುಕ್ತ ಮೈಸೂರು ದಸರಾ ಮಾದರಿಯಂತೆಯೇ ನಮ್ಮ ಭ್ರಮರಾಂಭ ದೇವಿಯ ರಥೋತ್ಸವನ್ನು ಮಹಿಳೆಯರು ಮಾತ್ರ ಎಳೆಯುವುದು ಇಲ್ಲಿಯ ವಿಶೇಷತೆ. ಸುಮಾರು ಹನ್ನೊಂದು ವರ್ಷಗಳಿಂದಲೂ ಮಹಿಳೆಯರೇ ರಥೋತ್ಸವನ್ನು ಎಳೆಯುತ್ತಾ ಬಂದಿರುತ್ತಾರೆ. ಸಾಯಂಕಾಲ ಸಮಯ 4:30 ನಿಮಿಷಕ್ಕೆ ಸರಿಯಾಗಿ ಪ್ರತೀ ವರ್ಷದಂತೆ ಈ ವರ್ಷದ ರಥೋತ್ಸವ ಯಶಸ್ವಿಯಾಗಿ ಜರುಗಿತು. ಈ ರಥೋತ್ಸವವು ಗಚ್ಚಿನಮಠದ ಶ್ರೀಶ್ರೀಶ್ರೀ ವರರುದ್ರಮುನಿ ಶಿವಾಚಾರ್ಯ ಮಹಾಸ್ವಾಮಿಗಳ ಅಧ್ಯಕ್ಷತೆಯಲ್ಲಿ ಹಾಗೂ ಪೊಲೀಸ್ ಬಿಗಿ ಬಂದೋಬಸ್ತ್ ಮಾಡಲಾಗಿದ್ದರಿಂದ ಭ್ರಮರಾಂಭ ದೇವಿಯ ರಥೋತ್ಸವ ಶಾಂತಿಯುತವಾಗಿ ನಡೆಯಿತು.

ಈ ಸಂದರ್ಭದಲ್ಲಿ ಮಾಜಿ ಶಾಸಕ ಪ್ರತಾಪ್ ಗೌಡ ಪಾಟೀಲ್, ಮಹಾದೇವಪ್ಪಗೌಡ ಪೊಲೀಸ್ ಪಾಟೀಲ್, ಬಿಜೆಪಿ ಮುಖಂಡರು, ಎಲ್ಲಾ ಪಕ್ಷದ ಕಾರ್ಯಕರ್ತರು, ಶಿವಶರಣಪ್ಪ ಇತ್ಲಿ, ಊರಿನ ಹಿರಿಯ ಮುಖಂಡರು,ವಿವಿಧ ಗ್ರಾಮದ ಸಕಲ ಸದ್ಭಕ್ತರು ಸೇರಿದಂತೆ ಇನ್ನಿತರರು ಭಾಗಿಯಾಗಿದ್ದರು.