ಜೇಸಿಐ ವತಿಯಿಂದ ರಾಷ್ಟ್ರೀಯ ಯುವ ದಿನ

ರಾಜ್ಯ ಸುದ್ದಿಗಳು 

ದೇವನಹಳ್ಳಿ 

ಉತ್ತಮ ಸಮಾಜ ನಿರ್ಮಾಣಕ್ಕೆ ಯುವಜನತೆಯ ಪಾತ್ರ ಹೆಚ್ಚು ಇದೆ ಎಂದು ಜೇಸಿಐ ಚಪ್ಪರಕಲ್ಲು ಚಂದನದ ಅಧ್ಯಕ್ಷ ಜೇಸಿ ನೆರಗನಹಳ್ಳಿ ಶ್ರೀನಿವಾಸ್ ತಿಳಿಸಿದರು.ದೇವನಹಳ್ಳಿ ತಾಲೂಕಿನ ವಿಶ್ವನಾಥಪುರ ಕೆಪಿಎಸ್ ಶಾಲಾವರಣದಲ್ಲಿ ರಾಷ್ಟ್ರೀಯ ಯುವ ದಿನ ಪ್ರಯುಕ್ತ ಜೇಸಿಐ ಚಪ್ಪರಕಲ್ಲು ಚಂದನ ಘಟಕ ವತಿಯಿಂದ ಹಮ್ಮಿಕೊಂಡಿದ್ದ ರಾಷ್ಟ್ರ ರಕ್ಷಣೆಯಲ್ಲಿ ಯುಜನತೆಯ ಪಾತ್ರ, ಪ್ರಬಂಧ ಸ್ಪರ್ಧೆ ಮತ್ತು ಸ್ವಾಮಿ ವಿವೇಕಾನಂದರ ಜನ್ಮ ದಿನಾಚರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಸ್ವಾಮಿ ವಿವೇಕಾನಂದರ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಅವರ ಜೀವನ ಚರಿತ್ರೆ ಪುಸ್ತಕಗಳನ್ನು ಓದಿದರೆ ಯುವಕರು ಸಮಾಜದ ಮುಖ್ಯವಾಹಿನಿಗೆ ಬರಲು ಪ್ರೇರಣೆ ಯಾಗುತ್ತದೆ ಎಂದು ಹೇಳಿದರು.

ಈ ವೇಳೆಯಲ್ಲಿ ಜೇಸಿಐ ಚಪ್ಪರಕಲ್ಲು ಚಂದನ ಘಟಕದ ಕಾರ್ಯದರ್ಶಿ ಜೇಸಿ ಅಂಬರೀಶ್, ಉಪಾಧ್ಯಕ್ಷ ಜೇಸಿ ರವಿ ಬೈರದೇನಹಳ್ಳಿ, ಜೇಸಿ ಶಿವಾನಂದ ಕೆ.ಹೊಸೂರು, ಮೋಹನ್ ಕುಮಾರ್ , ನಿಕಟಪೂರ್ವ ವಲಯ 14ರ ಉಪಾಧ್ಯಕ್ಷ ಜೇಸಿ ಆನಂದಣ್ಣ, ಜೇಸಿ ಬಾಬು, ನಿಕಟ ಪೂರ್ವಾದ್ಯಕ್ಷ ಮುನಿಕೃಷ್ಣ, ಶಾಲೆಯ ಮುಖ್ಯೋಪಾಧ್ಯಾಯ ಕೆ.ವೆಂಕಟೇಶ್, ಪ್ರವೀಣ್ , ಶೋಭ ಇತರರು ಇದ್ದರು.