ವೃಕ್ಷ ಮಾತೆಗೆ ಕುಮಟಾ ಜೆಡಿಎಸ್ ವತಿಯಿಂದ ಸನ್ಮಾನ… 

ಜಿಲ್ಲಾ ಸುದ್ದಿಗಳು 

ಕುಮಟಾ

ಪದ್ಮಶ್ರೀ ಪುರಸ್ಕೃತೆ ತುಳಸಿ ಗೌಡ ಅವರನ್ನು ಭೇಟಿ ಮಾಡಿದ ಕುಮಟಾ ತಾಲೂಕಿನ ಜೆಡಿಎಸ್ ಮುಖಂಡರು ವೃಕ್ಷ ಮಾತೆಯನ್ನು ಸನ್ಮಾನಿಸುವ ಮೂಲಕ ಗೌರವಿಸಿದರು.ಅಂಕೋಲಾದ ಪದ್ಮಶ್ರೀ ಪುರಸ್ಕೃತೆ ತುಳಸಿ ಗೌಡ ಅವರ ಮನೆಗೆ ಭೇಟಿ ನೀಡಿದ ಕುಮಟಾ ತಾಲೂಕಿನ ಜೆಡಿಎಸ್ ಮುಖಂಡರು ವೃಕ್ಷ ಮಾತೆಯ ಸಾಧನೆಗೆ ಕೇಂದ್ರ ಸರ್ಕಾರ

ದೇಶದ ಪ್ರತಿಷ್ಠಿತ ಪ್ರಶಸ್ತಿಯಾದ ಪದ್ಮಶ್ರೀಯನ್ನು ನೀಡಿ ಗೌರವಿಸಿರುವುದು ನಮ್ಮ ಜಿಲ್ಲೆಗೆ ಹೆಮ್ಮೆಯ ಸಂಗತಿ. ಹಾಗಾಗಿ ವೃಕ್ಷ ಮಾತೆಯನ್ನು ಜೆಡಿಎಸ್ ಪಕ್ಷದ ವತಿಯಿಂದಲೂ ಸಾಲು, ಹೊದೆಸಿ, ಪೇಟ್ ತೊಡಿಸಿ, ಗೌರವಿಸುತ್ತೇವೆ. ೩೦ ಸಾವಿರ ಗಿಡಗಳನ್ನು ನೆಟ್ಟು ಸಲಹಿದ ಮಾತೆಯ ಕಾರ್ಯ ಇಂದಿನ ಯುವ ಜನಾಂಗಕ್ಕೆ ಪ್ರೇರಣೆಯಾಗಲಿದೆ ಎಂದು ಜೆಡಿಎಸ್ ಮುಖಂಡ ಸೂರಜ ನಾಯ್ಕ ಸೋನಿ ಮತ್ತು ಜೆಡಿಎಸ್ ತಾಲೂಕಾಧ್ಯಕ್ಷ ಸಿ ಜಿ ಹೆಗಡೆ ಹೇಳಿದರು.ಈ ಸಂದರ್ಭದಲ್ಲಿ ಜೆಡಿಎಸ್ ಹಿರಿಯ ಮುಖಂಡ ಜಿ ಕೆ ಪಟಗಾರ, ಯುಥ್ ಅಧ್ಯಕ್ಷ ಶಿವರಾಮ ಮಡಿವಾಳ, ಕಾರ್ಯಾಧ್ಯಕ್ಷ ಬಲೀಂದ್ರ ಗೌಡ ಉಪಸ್ತಿತರಿದ್ದರು.