ರಾಜ್ಯ ಸುದ್ದಿ 

ಕುಮಟಾ: ಕುಮಟಾ ರೋಟರಿ ಸಂಸ್ಥೆಯು ರೋಟರಿ ಪ್ರವರ್ತಿತ ಉತ್ತರಕನ್ನಡ ಬ್ಲಡ್ ಬ್ಯಾಂಕಿನ ಶಾಶ್ವತ ಆಕ್ಸಿಜನ್ ಬ್ಯಾಂಕಿಗೆ ಒಟ್ಟೂ 2 ಲಕ್ಷ ರೂ. ಮೌಲ್ಯದ ಮೂರು ಆಕ್ಸಿಜನ್ ಕಾನ್ಸನ್‍ಸ್ಟ್ರೇಟರ್ಸ್‍ಗಳನ್ನು ದೇಣಿಗೆ ನೀಡಿದೆ.

ಬ್ಲಡ್ ಬ್ಯಾಂಕಿನ ಸಭಾಭವನದಲ್ಲಿ ನಡೆದ ಸರಳ ಕಾರ್ಯಕ್ರಮದಲ್ಲಿ ರೋಟರಿ ಕ್ಲಬ್ ಅಧ್ಯಕ್ಷ ಶಶಿಕಾಂತ ಕೊಳೇಕರ ಬ್ಲಡ್ ಬ್ಯಾಂಕಿನ ವ್ಯವಸ್ಥಾಪಕ ಡಾ.ಎಂ.ವಿ.ಮೂಡ್ಲಗಿರಿ ಅವರಿಗೆ ಆಮ್ಲಜನಕ ಸಾಂದ್ರಕಗಳನ್ನು ಹಸ್ತಾಂತರಿಸಿದರು. ಕಾರ್ಯದರ್ಶಿ ಅತುಲ ಕಾಮತ ಬ್ಲಡ್ ಬ್ಯಾಂಕಿಗೆ ಅಗತ್ಯ ಸಾಮಗ್ರಿಗಳನ್ನು ನಿರಂತರವಾಗಿ ಪೂರೈಸುವ ರೋಟರಿಯ ಕ್ಷಮತೆಯ ಕುರಿತು ಮಾತನಾಡಿದರು. ಈ ಸಂದರ್ಭದಲ್ಲಿ ರೋಟರಿಯ ಎಂ.ಬಿ.ಪೈ, ಜಯವಿಠ್ಠಲ ಕುಬಾಲ, ಕಿರಣ ನಾಯಕ, ವಿನಾಯಕ ಹೆಗಡೆ, ಜಯಶ್ರೀ ಕಾಮತ, ಶಿಲ್ಪಾ ಜಿನರಾಜ ಮೊದಲಾದವರು ಉಪಸ್ಥಿತರಿದ್ದರು. ರೋಟರಿಯ ನಿಯೋಜಿತ ಅಧ್ಯಕ್ಷೆ ಡಾ. ನಮೃತಾ ಶಾನಭಾಗ ವಂದಿಸಿದರು.