ಬಿಜೆಪಿ ಮಡಿಲಿಗೆ ಬಿದರಕುಂದಿ ಗ್ರಾಮ ಪಂಚಾಯತಿ…!!! ಅಧ್ಯಕ್ಷರಾಗಿ ಲಾಲಬಿ ಮುಲ್ಲಾ ಉಪಾಧ್ಯಕ್ಷರಾಗಿ ನಾಗಮ್ಮ ಸಿದ್ದನಾಥ ಆಯ್ಕೆ

ಜಿಲ್ಲಾ ಸುದ್ದಿಗಳು

ಮುದ್ದೇಬಿಹಾಳ:

ತಾಲೂಕಿನ ಬಿದರಕುಂದಿ ಗ್ರಾಮ ಪಂಚಾಯತಿಯ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಗಳಿಗೆ ಸೋಮವಾರ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಮೂರು ನಾಮಪತ್ರ ಸಲ್ಲಿಕೆಯಾಗಿದ್ದು 5 ಮತಗಳನ್ನು ಪಡೆದು ವಿಜಯಲಕ್ಷ್ಮೀ ಚಲವಾದಿ ಹಾಗೂ 1 ಪಡೆದು ನಾಗಮ್ಮ ಸಿದ್ದನಾಥ ಪರಾಭಗೊಂಡರೆ 9 ಮತಗಳನ್ನು ಪಡೆದ ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಲಾಲಬಿ ಮುಲ್ಲಾ ಅವರು ನೂತನ ಅಧ್ಯಕ್ಷರಾಗಿ ಆಯ್ಕೆಯಾದರು.

ಇನ್ನೂ ಉಪಾಧ್ಯಕ್ಷ ಸ್ಥಾನಕ್ಕೆ ನಾಗಮ್ಮ ಸಿದ್ದನಾಥ ಅವರನ್ನು ಬಿಟ್ಟರೆ ಬರ‍್ಯಾವ ಸದಸ್ಯರೂ ನಾಮಪತ್ರ ಸಲ್ಲಿಸದ ಕಾರಣ ನಾಗಮ್ಮ ಸಿದ್ದನಾಥ ಅವರು ಉಪಾಧ್ಯಕ್ಷ ಸ್ಥಾನಕ್ಕೆ ಅವಿರೋಧವಾಗಿ ಆಯ್ಕೆಯಾದರು.

ವಿಜಯೋತ್ಸವ:
ನೂತನ ಅಧ್ಯಕ್ಷ ಉಪಾಧ್ಯಕ್ಷರು ಆಯ್ಕೆಯಾಗುತ್ತಿದ್ದಂತೆ ಬಿದರಕುಂದಿ ಗ್ರಾಮ ಪಂಚಾಯತಿ ಎದುರಿಗೆ ಬೆಂಬಲಿತ ಸದಸ್ಯರು ಹಾಗೂ ಬೆಂಬಲಿಗರು ಸ್ಪರಸ್ಪರ ಸಿಹಿ ಹಂಚಿವ ಮೂಲಕ ವಿಜಯೋತ್ಸವ ಆಚರಿಸಿದರು.
ಈ ಸಂಧರ್ಭದಲ್ಲಿ ಗ್ರಾಮದ ಪ್ರಮುಖರಾದ ಬಸವರಾಜ ಕೊಳೂರ, ಎಲ್.ಎಂ.ಅವಟಿ, ಮಲ್ಲು ದೊಡಮನಿ, ರಜಾಕ ದೊಡಮನಿ, ಎಂ.ಕೆ.ವಾಲಿಕಾರ, ಎನ್.ಪಿ.ಮುರಾಳ, ವಾಯ್.ಎಚ್.ವಿಜಯಕರ, ಲಕ್ಷ್ಮಣ ಕುಂಬಾರ, ಖಾಜೇಸಾಬ ಬಸರಕೋಡ, ಸಿ.ಜಿ.ವಿಜಯಕರ, ಕೆ.ಎಂ.ತಾರನಾಳ ಇದ್ದರು.