ಜಿಲ್ಲಾ ಸುದ್ದಿಗಳು 
ಮಸ್ಕಿ
ತಾಲೂಕಿನ ಗ್ರಾಮ ಪಂಚಾಯಿತಿ ಉದ್ಬಾಳ (ಯು) ನ ಅಧ್ಯಕ್ಷರ ನೇಮಕ ಮಾಡಲಾಯಿತು.ಈ ಹಿಂದೆ ಆಯ್ಕೆ ಮಾಡಲಾಗಿದ್ದ ಅಧ್ಯಕ್ಷರ ಅಧಿಕಾರಾವಧಿ ಮುಕ್ತಾಯವಾಗುತ್ತಲೇ ಇಂದು ಮುಂದಿನ ಎರಡು ವರ್ಷ ಆರು ತಿಂಗಳ ಅವಧಿಗಾಗಿ ನೂತನ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಸ್ಥಾನಕ್ಕೆ ದಂಡಾಧಿಕಾರಿ ಗಳ ನೇತೃತ್ವದಲ್ಲಿ ನೇಮಕಾತಿ ಪ್ರಕ್ರಿಯೆ ನಡೆಯಿತು.
ಗ್ರಾಮ ಪಂಚಾಯಿತಿಯ 18 ಸದಸ್ಯರುಗಳ ಪೈಕಿ 17 ಜನ ಸದಸ್ಯರು ಅಧ್ಯಕ್ಷ ಸ್ಥಾನಕ್ಕೆ ಬೆಂಬಲ ಸೂಚಿಸಿದ್ದರು ಹಾಗೂ ಒಬ್ಬ ಸದಸ್ಯರು ಗೈರಾಗಿದ್ದನ್ನು ಖಚಿತಪಡಿಸಲಾಯಿತು. ಮಧ್ಯಾಹ್ನ ಒಂದು ಗಂಟೆ ನಂತರ ಬೆಂಬಲ ಸೂಚಿಸಿದ ಸದಸ್ಯರುಗಳಲ್ಲಿ ಯಾರಾದರು ಬೆಂಬಲ ಹಿಂಪಡೆದುಕೊಳ್ಳುವವರು ಪಡೆಯಬಹುದು ಎಂದು ಐದು ನಿಮಿಷಗಳ ಕಾಲಾವಕಾಶ ನೀಡಿದ್ದರು ಯಾವ ಸದಸ್ಯರು ಬೆಂಬಲ ಹಿಂಪಡೆಯದೆ ಶಾಂತಿಯುತವಾಗಿ ಬೆಂಬಲ ಸೂಚಿಸಿ ಕರಿಯಮ್ಮ ಗಂಡ ಹನುಮಂತಪ್ಪ ಚಿಕ್ಕ ಕಡಬೂರು ಇವರನ್ನು ಅಧ್ಯಕ್ಷರನ್ನಾಗಿ ನೇಮಕ ಮಾಡಲಾಯಿತು.
ನಂತರ ನೂತನ ಅಧ್ಯಕ್ಷರನ್ನು ಹಾಗೂ ಹಾಲಿ ಉಪಾಧ್ಯಕ್ಷರನ್ನು ಚುನಾವಣೆ ಅಧಿಕಾರಿ, ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗಳ ನೇತೃತ್ವದಲ್ಲಿ ಸನ್ಮಾನ ಮಾಡಿ ಅಭಿನಂದಿಸಿದರು. ನೂತನ ಅಧ್ಯಕ್ಷರು ದಂಡಾಧಿಕಾರಿ ಹಾಗೂ ಗ್ರಾಮ ಪಂಚಾಯಿತಿ ಅಭಿವೃದ್ದಿ ಅಧಿಕಾರಿಗಳನ್ನು ಸನ್ಮಾನ ಮಾಡಿದರು. 
ನಂತರ ಹನುಮೇಶ ಉಪನ್ಯಾಸಕರು ಚಿಕ್ಕ ಕಡಬೂರು ಇವರು ಹಾಗೂ ಕುಟುಂಬ ವರ್ಗದವರ ನೇತೃತ್ವದಲ್ಲಿ ಗ್ರಾಮ ಪಂಚಾಯಿತಿಯ ಸರ್ವ ಸದಸ್ಯರನ್ನು, ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಪ್ರಮುಖ ಮುಖಂಡರನ್ನು ಹಾಗೂ ಪತ್ರಕರ್ತರನ್ನು ಸನ್ಮಾನಿಸಿದರು.ಇದೇ ಸಂದರ್ಭದಲ್ಲಿಬಸವರಾಜ ಪಿಡಿಒ, ತಿಮ್ಮಣ್ಣ ಕಾರ್ಯದರ್ಶಿ, ಶೇಖರಪ್ಪ ಮೇಟಿ ಹುಲ್ಲೂರು, ಯಂಕಣ್ಣ ಕಮತರ, ಶೇಖರಪ್ಪ ಕಾರಲಕುಂಟೆ, ಶಂಕರ ರಾವ್ ಕುಲಕರ್ಣಿ, ಅಜಯ್ ನಾಡಗೌಡ, ಬಸವರಾಜ ಕಮತರ, ಚಿಕ್ಕಬಾಬು, ಗ್ರಾಮ ಪಂಚಾಯಿತಿ ಸದಸ್ಯರು, ಗ್ರಾಮ ಪಂಚಾಯಿತಿ ಮುಖಂಡರು ಸೇರಿದಂತೆ ಸಾರ್ವಜನಿಕರಿದ್ದರು.
Be the first to comment