ಸೋಂದಾ ಜೈನ ಮಠದಲ್ಲಿ ಕಳ್ಳತನ ..!!!

ಜಿಲ್ಲಾ ಸುದ್ದಿಗಳು 

ಶಿರಸಿ

ಜೈನಮಠಕ್ಕೆ ಸೇರಿದ ಶ್ರೀಕ್ಷೇತ್ರಪಾಲ ಆದಿನಾಥ ಮಂದಿರ, ಪಾರ್ಶ್ವನಾಥ ಮಂದಿರ, ವೆಂಕಟ್ರಮಣ ದೇವಸ್ಥಾನಗಳಿಗೆ ಸೇರಿದ ಕಾಣಿಕೆ ಹುಂಡಿಯಲ್ಲಿನ 13 ಸಾವಿರ ನಗದು ಹಾಗೂ 2 ಗ್ರಾಂ ತೂಕದ ಬಂಗಾರದ ತಾಳಿ ಇರುವ 3 ಕರಿಮಣಿ ಸರವನ್ನು ದೋಚಿದ್ದಾರೆ. ಅಲ್ಲದೆ, 1 ಸಿಸಿ ಟಿವಿ ಕ್ಯಾಮೆರಾ, ಡಿವಿಆರ್, ಅನ್ನು ಹೊತ್ತೊಯ್ದ ಘಟನೆ ಸೋಂದಾ ಜೈನ ಮಠದಲ್ಲಿ ನಡೆದಿದೆ.

ಖಾಕಿ ಪಡೆ ತೀವ್ರ ತನಿಖೆ ಆರಂಭಿಸಿದ್ದು ಕಾರವಾರದಿಂದ ಬೆರಳಚ್ಚು ತಜ್ಞರು ಹಾಗೂ ಶ್ವಾನದಳ ಆಗಮಿಸಿ, ಪರಿಶೀಲನೆ ನಡೆಸಿದ್ದಾರೆ. ಈ ಘಟನಾ ಸ್ಥಳಕ್ಕೆ ರವಿ ನಾಯ್ಕ ಹಾಗೂ ಸಿಪಿಐ ರಾಮಚಂದ್ರ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.