ರಾಜ್ಯ ಸುದ್ದಿಗಳು 
ಮುಲ್ಕಿ
ಚಪ್ಪಲಿ ಖರೀದಿಸಲು ಬಂದಿದ್ದ ಮಹಿಳೆಯೋರ್ವರಿಗೆ ಅಂಗಡಿ ಮಾಲಿಕ ಲೈಂಗಿಕ ದೌರ್ಜನ್ಯ ನಡೆಸಿರುವ ಘಟನೆ ಮುಲ್ಕಿ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.ತಾಳಿಪಾಡಿ ಗ್ರಾಮದ ಕಿನ್ನಿಗೋಳಿಯಲ್ಲಿ ಚಪ್ಪಲಿ ಅಂಗಡಿಯೊಂದಕ್ಕೆ ಮಹಿಳೆಯೋರ್ವರು ಚಪ್ಪಲಿ ಖರೀದಿಸಲು ಬಂದಿದ್ದು, ಮಾಲಿಕ ಮಹಿಳಾ ಗ್ರಾಹಕಿಗೆ ಚಪ್ಪಲಿಯನ್ನು ತೋರಿಸಿದ್ದಾನೆ. ಆಕೆಗೆ ಯಾವ ಚಪ್ಪಲಿ ಕೂಡ ಮೆಚ್ಚುಗೆಯಾಗಿಲ್ಲ. ಇದರಿಂದ ಹೆಚ್ಚಿನ ಚಪ್ಪಲಿ ತೋರಿಸುತ್ತೇನೆ ಎಂದು ಅಂಗಡಿಯ ಒಳಗಿನ ಕಂಪಾರ್ಟ್‌ಮೆಂಟ್‌ಗೆ ಕರೆದುಕೊಂಡು ಹೋಗಿ ಮಹಿಳೆಯ ಎದೆಯ ಭಾಗ ಮತ್ತು ಭುಜಕ್ಕೆ ಕೈ ಹಾಕಿ ಕಿರುಕುಳವನ್ನು ನೀಡಿದ್ದಾನೆ ಎನ್ನಲಾಗಿದೆ.
ಈ ಬಗ್ಗೆ ಗ್ರಾಹಕಿ ನೀಡಿದ ದೂರು ಆದಾರದಲ್ಲಿ ಆರೋಪಿ ಸಂಶುದ್ದೀನ್‌ನನ್ನು ಮುಲ್ಕಿ ಪೊಲೀಸರು ಬಂಧಿಸಿದ್ದಾರೆ.ಚಪ್ಪಲಿ ಖರೀದಿಗೆ ಬಂದ ಹಿಂದೂ ಯುವತಿಗೆ ಲೈಂಗಿಕ ಕಿರುಕುಳ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಠಿಣ ಕ್ರಮ ಕೈಗೊಳ್ಳುವಂತೆ ರಾಮ್ ಸೇನಾ ಒತ್ತಾಯ :
ಕಿನ್ನಿಗೋಳಿ ಸಮೀಪದ ಶೂ ಫ್ಯಾಷನ್ ಅಂಗಡಿಯ ಮತಾಂಧ ಯುವಕ ಮೊಹಮ್ಮದ್ ಸಂಸುದ್ಧೀನ್ (45)ಎಂಬಾತ ಇಂದು ಮದ್ಯಾಹ್ನ ಚಪ್ಪಲಿ ಖರೀದಿಗೆ ಬಂದ ಹಿಂದೂ ಯುವತಿಯ ಮೇಲೆ ಲೈಂಗಿಕ ಕಿರುಕುಳ ನೀಡಿರುವುದಾಗಿ ಯುವತಿಯು ಸ್ಥಳೀಯರ ಜೊತೆ ಮುಲ್ಕಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿ, ಈ ವಿಚಾರವನ್ನು ತಕ್ಷಣವೇ ರಾಮ್ ಸೇನಾ ಸಂಘಟನೆಗೆ ತಿಳಿಸಿದ್ದು, ರಾಮ್ ಸೇನಾ ಕಾರ್ಯಕರ್ತರು ಕೂಡಲೆ ಠಾಣೆಗೆ ಭೇಟಿ ನೀಡಿ ಪೋಲೀಸ್ ಇಲಾಖೆಗೆ ಕಠಿನ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದರು. ಹಿಂದೂ ಯುವ ಸೇನೆ ಸಂಘಟನೆಯು ಈ ಸಂದರ್ಭದಲ್ಲಿ ಜೊತೆಗಿದ್ದು ಸಹಕರಿಸಿದರು.
Be the first to comment