ಮಾರ್ಕ್ಸ್ ಕಾರ್ಡ್ ತರುತ್ತೇನೆಂದು ಕಾಲೇಜ್ ಹೋದ ಬಿ.ಕಾಂ ವಿದ್ಯಾರ್ಥಿನಿ ನಾಪತ್ತೆ: ಪ್ರಕರಣ ದಾಖಲು 

ಜಿಲ್ಲಾ ಸುದ್ದಿಗಳು 

ಹೊನ್ನಾವರ

ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ತಾಲೂಕಿನ ಚಿಕ್ಕನಕೋಡದ ಕುಮಾರಿ ಗಾಯತ್ರಿ ರಾಮನಾಥ್ ನಾಯ್ಕ (22) ಕಾಣೆಯಾದ ವಿದ್ಯಾರ್ಥಿನಿಯಾಗಿದ್ದಾಳೆ.ಹೊನ್ನಾವರ ತಾಲೂಕಿನ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಬಿ.ಕಾಂ ವಿದ್ಯಾರ್ಥಿನಿಯಾಗಿದ್ದು ಮಾರ್ಕ್ಸ್ ಕಾರ್ಡ್ ತರುತ್ತೇನೆಂದು ಮನೆಯಲ್ಲಿ ಹೇಳಿ ಹೋದವಳು ಮನೆಗೆ ಓಪಸ್ಸಾಗದೆ, ಸಂಬಂಧಿಕರ ಮನೆಗೂ ತೆರಳದೆ , ಕಾಣೆಯಾಗಿದ್ದಾಳೆ.

ಪಾಲಕರಿಗೆ ಎಲ್ಲಿ ಹೋಗಿದ್ದಾಳೆ ಎಂದು ತಿಳಿಯದೆ ದಯವಿಟ್ಟು ಹುಡುಕಿ ಕೊಡಿ ಎಂದು ಪೋಲೀಸರ ಮೊರೆ ಹೋಗಿದ್ದಾರೆ. ಈಕೆ ದಿನಾಂಕ 09/10/2021 ರಂದು 10 ಗಂಟೆ ಸುಮಾರಿಗೆ ಹೊನ್ನಾವರ ಕಾಲೇಜ್ ಹೋಗಿದ್ದಾಳೆ. ಸಂಜೆಯಾದರು ಮಗಳು ಮನೆಗೆ ಬರದಿದ್ದಾಗ ನೆಂಟರು ಹಾಗೂ ಬಹುತೇಕ ಕಡೆ ವಿಚಾರಿಸಿ ಹುಡುಕಿದ್ದಾರೆ. ಅದರೂ ಪತ್ತೆಯಾಗಿಲ್ಲ. ದಿಕ್ಕು ತೋಚದ ಪಾಲಕರು ಹೊನ್ನಾವರ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಗಾಯತ್ರಿ ಪರಿಚಯ:

ಐದು ಅಡಿ ಎತ್ತರವಿದ್ದು, ಗೋಧಿ ಬಣ್ಣ, ಸಾಧಾರಣ ಮೈಕಟ್ಟು ಹೊಂದಿದ್ದಾಳೆ. ಗುಲಾಬಿ ಬಣ್ಣದ ಟಾಪ್ ಮತ್ತು ಕ್ರ್ರೀಂ ಬಣ್ಣದ ಪ್ಯಾಂಟ್ ಧರಿಸಿದ್ದಾಳೆ. ಹುಡುಗಿ ಎಲ್ಲಾದರೂ ಕಂಡುಬಂದಲ್ಲಿ ಹೊನ್ನಾವರ ಪೋಲೀಸ್ ಠಾಣೆಗೆ ತಿಳಿಸುವಂತೆ ಕೋರಿದ್ದಾರೆ.