ಸೆ.೩ರಂದು ಉದ್ಯೋಗ ಮೇಳ

ಜಿಲ್ಲಾ ಸುದ್ದಿಗಳು 

ದೇವನಹಳ್ಳಿ

ದೇವನಹಳ್ಳಿ ತಾಲೂಕಿನ ವಿಶ್ವನಾಥಪುರ ಗ್ರಾಮದ ಕೆವಿಎಂ ಆರ್ಕೇಡ್‌ನಲ್ಲಿ ವಿದ್ಯಾವಂತ ಯುವಕ/ಯುವತಿಯರಿಗೆ ಸೆ.೩ರಂದು ಉದ್ಯೋಗ ಮೇಳವನ್ನು ಹಮ್ಮಿಕೊಳ್ಳಲಾಗಿದೆ.

ವಿವಿಧ ಕಂಪನಿಗಳಿಂದ ಉಚಿತ ಉದ್ಯೋಗ ಮೇಳ ನಡೆಯಲಿದ್ದು, ಆಸಕ್ತ ೧೮ ರಿಂದ ೩೦ ವರ್ಷದೊಳಗಿನ ಕನಿಷ್ಠ ೬ನೇ ತರಗತಿಯಿಂದ ಎಸ್ಸೆಸ್ಸೆಲ್ಸಿ, ಪಿಯುಸಿ, ಪದವಿ, (ಉತ್ತೀರ್ಣ/ಅನುತ್ತೀರ್ಣ), ಐಟಿಐ, ಡಿಪ್ಲೋಮೋ ಅಥವಾ ಇನ್ನೂ ಯಾವುದೇ ವಿದ್ಯಾಭ್ಯಾಸ ಹೊಂದಿರುವ ವ್ಯಾಪ್ತಿಯ ನಿರುದ್ಯೋಗಿಗಳಿಗೆ ಉದ್ಯೋಗ ಅವಕಾಶ ಕಲ್ಪಿಸಲಾಗುತ್ತಿದೆ. ಆಸಕ್ತರು ಸೆ.೩ರಂದು ಬೆಳಿಗ್ಗೆ ೧೦ ಗಂಟೆಯಿಂದ ಸಂಜೆ ೪ ಗಂಟೆಯವರೆ ನಡೆಯುವ ಸಂದರ್ಶನದಲ್ಲಿ ತಮ್ಮ ವಿದ್ಯಾಭ್ಯಾಸದ ದಾಖಲಾತಿಗಳ ನಕಲು, ೩ ಭಾವಚಿತ್ರಗಳು, ವೈಯಕ್ತಿಕ ವಿವರ ಹೊಂದಿದ ಪತ್ರ (ರೇಸ್ಯೂಮ್)ನೊಂದಿಗೆ ಅರ್ಜಿಯನ್ನು ಸ್ಥಳದಲ್ಲಿ ಪಡೆದುಕೊಳ್ಳಬಹುದು. ಹೆಚ್ಚಿನ ಮಾಹಿತಿಗಾಗಿ ಮುನಿರಾಜು ೮೯೭೦೮೩೦೧೮೯ಗೆ ಸಂಪರ್ಕಿಸಬಹುದು.