ಶಿರಸಿ ನಗರ ಪೊಲೀಸರ ಕಾರ್ಯಾಚರಣೆ:ಬಂಗಾರದ ಚೈನ್ ಕಳ್ಳತನ ಮಾಡಿದ ಆರೋಪಿಯ ಬಂಧನ

ಜಿಲ್ಲಾ ಸುದ್ದಿಗಳು 

ಶಿರಸಿ

ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ದಿನಾಂಕ 29/09/21 ಕೋಣನ ಬಿಡಕಿ ಟೆಂಪೊ ಸ್ಟಾಂಡ್ ಹತ್ತಿರ ನಿಲ್ಲಿಸಿದ ಟಾಟಾ ವಿಸ್ತ ಕಾರಿನ ಒಳಗಡೆ ಬ್ಯಾಗಿನಲ್ಲಿ ಇಟ್ಟ 13 ಗ್ರಾಂ ತೂಕದ ₹ 55, 000 ಬೆಲೆಬಾಳುವ ಬಂಗಾರದ ಚೈನ ಕಳ್ಳತನ ಮಾಡಿಕೊಂಡು ಹೋದ ಬಗ್ಗೆ ಪ್ರಕರಣವು ದಾಖಲಾಗಿದ್ದು, ಆರೋಪಿಯನ್ನು ಬಂದಿಸುವಲ್ಲಿ ಶಿರಸಿ ಪೋಲೀಸರು ಯಶಶ್ವಿಯಾಗಿದ್ದಾರೆ.

ಈ ಅಪರಾಧಕ್ಕೆ ಸಂಬಂಧಿಸಿದ ಆರೋಪಿತನಾದ ನಾಗರಾಜ್ ಗಣಪತಿ ನಾಯ್ಕ , ಮಲ್ಲತಳ್ಳಿ ಬೆಂಗಳೂರು ಮೂಲದದವನಾಗಿದ್ದು ಹಾಲಿ ಶಿರಸಿಯ ಅಂಬಾಗಿರಿ ಸಮೀಪ ವಾಸವಾಗಿದ್ದು ಎಂದು ತಿಳಿದುಬಂದಿದೆ. ಈತನನ್ನು ಬಂಧಿಸಿ ಸ್ವತ್ತನ್ನು ವಶಪಡಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.

 ಈ ಕಾರ್ಯಾಚರಣೆಯಲ್ಲಿ ಶಿರಸಿ ಉಪವಿಭಾಗದ DySP ರವರಾದ ಶ್ರೀ ರವಿ ಡಿ. ನಾಯ್ಕ್, ಶಿರಸಿ ವೃತ್ತದ CPI ರಾಮಚಂದ್ರ ನಾಯಕ ರವರ ಮಾರ್ಗದರ್ಶನದಲ್ಲಿ,ಶಿರಸಿ ನಗರ ಠಾಣೆಯ PSI ಮೋಹಿನಿ ಶೆಟ್ಟಿ (ತನಿಕೆ), PSI ರಾಜಕುಮಾರ ಸಿಬ್ಬಂದಿಗಳಾದ ಪ್ರಶಾಂತ್ ಪವಸ್ಕರ್ ,ಗಣಪತಿ ಪಟಗಾರ್, ಕೋಟೇಶ್ ,ಚೇತನ್ ಕುಮಾರ್, ರಾಜು ಸಲ್ಗಾವ್ , ಫಕೀರೇಶ ವನ್ನೂರ್, ಪಾಲ್ಗೊಂಡಿದ್ದರು.