ಕಾರ್ತಿಕ ಮಾಸಕ್ಕೆ ಸಿದ್ಧಗೊಂಡ ಹಳೇ ಕ್ಯಾತ್ನಟ್ಟಿ ವೀರಭದ್ರೇಶ್ವರ ದೇವಸ್ಥಾನ

ಜಿಲ್ಲಾ ಸುದ್ದಿಗಳು 

 ಮಸ್ಕಿ

ಸಂಡೇ ಫಾರ್ ಸೋಷಿಯಲ್ ವರ್ಕ್ ಅಭಿಯಾನದಡಿಯಲ್ಲಿ ಪ್ರತಿವಾರದಂತೆ ಈ ಬಾರಿಯ 20 ನೇ ಸಂಡೇ ಫಾರ್ ಸೋಷಿಯಲ್ ವರ್ಕ್ ಸೇವಾ ಕಾರ್ಯವನ್ನು ಮಸ್ಕಿ ಹೊರ ವಲಯದಲ್ಲಿ ಇರುವ ಹಳೇ ಕ್ಯಾತ್ನಟ್ಟಿ ಶ್ರೀ ವೀರಭದ್ರೇಶ್ವರ ದೇವಸ್ಥಾನದ ಆವರಣವನ್ನು ಸ್ವಚ್ಛ ಮಾಡಿ ದೇವಾಲಯದ ಗೋಡೆಗಳಿಗೆ ಬಣ್ಣವನ್ನು ಹಚ್ಚಲಾಯಿತು. ಪ್ರತಿ ವರ್ಷ ವಿಷೇಶವಾಗಿ ಮತ್ತು ವಿಜ್ರಂಭಣೆಯಿಂದ ನಡೆಯುವ ಕಾರ್ತಿಕ ಮಾಸದ ಆಚರಣೆಗೆ ಬರುವ ಭಕ್ತರಿಗೆ ಅನುಕೂಲಕರ ವಾತಾವರಣ ಕಲ್ಪಿಸುವ ಉದ್ದೇಶದಿಂದ ಈ ಬಾರಿಯ ಸಂಡೇ ಫಾರ್ ಸೋಷಿಯಲ್ ವರ್ಕ್ ಸೇವಾ ಕಾರ್ಯವನ್ನು ಹಳೆ ಕ್ಯಾತನಟ್ಟಿಯ ವೀರಭದ್ರೇಶ್ವರ ದೇವಾಲಯದ ಆವರಣದಲ್ಲಿ ಬೆಳೆದಿದ್ದ ಕಸವನ್ನು ತೆಗೆದು ದೇವಾಲಯದ ಗೋಡೆಗಳಿಗೆ ಬಣ್ಣವನ್ನು ಹಚ್ಚಲಾಯಿತು.

 ಇದೇ ಸಮಯದಲ್ಲಿ ಮಾತನಾಡಿದ ದೇವಸ್ಥಾನ ಅಭಿವೃದ್ಧಿ ಮಂಡಳಿಯ ಸದಸ್ಯರಾದ ಮಹಾಂತೇಶ್ ಬ್ಯಾಳಿ ಅವರು ಅಭಿನಂದನ್ ಸಂಸ್ಥೆಯು ತಮ್ಮ ಸಂಡೆ ಫಾರ್ ಸೋಶಿಯಲ್ ವರ್ಕ್ ಅಭಿಯಾನದಲ್ಲಿ ಇಂದು ಈ ಐತಿಹಾಸಿಕ ಹಿನ್ನೆಲೆ ಹೊಂದಿರುವ ಹಳೆ ಕ್ಯಾತನಟ್ಟಿಯ ವೀರಭದ್ರೇಶ್ವರ ದೇವಾಲಯಕ್ಕೆ ಹೊಸ ಚೇತನವನ್ನು ನೀಡಿದ್ದು ಬಹಳ ಶ್ಲಾಘನೀಯ ವಿಷಯ ಅದರಲ್ಲೂ ಈ ಕಾರ್ತಿಕ ಮಾಸದ ಆಚರಣೆಗೆ ಬರುವ ಭಕ್ತರಿಗೆ ಉತ್ತಮ ರೀತಿಯ ವಾತಾವರಣವನ್ನು ನಿರ್ಮಾಣ ಮಾಡಿರುವ ಈ ಸಂಸ್ಥೆಗೆ ಹಾಗೂ ಭಾಗವಹಿಸಿದ ಎಲ್ಲಾ ಸ್ವಯಂ ಸೇವಕರಿಗೆ ದೇವಸ್ಥಾನ ಅಭಿವೃದ್ಧಿ ಮಂಡಳಿ ಹಾಗೂ ಎಲ್ಲಾ ಭಕ್ತಾದಿಗಳ ಪರವಾಗಿ ಅಭಿನಂದನೆಗಳು ಎಂದು ತಮ್ಮ ಅನಿಸಿಕೆಗಳನ್ನು ತಿಳಿಸಿದರು. 

ಇದೇ ಸಂದರ್ಭದಲ್ಲಿ ಅಭಿನಂದನ್ ಸಂಸ್ಥೆಯ ಗೌರವಾಧ್ಯಕ್ಷರಾದ ಶಿವಪ್ರಸಾದ್ ಕ್ಯಾತ್ನಟ್ಟಿ, ಸಂಸ್ಥಾಪಕರಾದ ರಾಮಣ್ಣ ಹಂಪರಗುಂದಿ, ಹಿರಿಯರಾದ ಮಹಾಂತೇಶ ಬ್ಯಾಳಿ, ಅಭಿನಂದನ್ ಸಂಸ್ಥೆಯ ಆಶಾ ಕ್ಯಾತ್ನಟ್ಟಿ, ಮಲ್ಲಿಕಾರ್ಜುನ ಬಡಿಗೇರ, ಮಲ್ಲಿಕಾರ್ಜುನ ಹೂವಿನಭಾವಿ, ಅಮಿತಕುಮಾರ ಪುಟ್ಟಿ, ಕಿಶೋರ್, ಕುಮಾರಿ ಸನ್ನಿಧಿ,ಸಿರೀಶ್, ಸಿಂಚನ ಶ್ರೀ ಶೈಲ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.