ಭಟ್ಕಳ್ದಲ್ಲಿ ಗ್ರಾಮೀಣ ಠಾಣೆ ಪೊಲೀಸರಿಂದ ಬೈಕ್ ಕಳ್ಳರ ಬಂಧನ – ಆರೋಪಿಗಳಿಗೆ ನ್ಯಾಯಾಂಗ ಬಂಧನ

ಜಿಲ್ಲಾ ಸುದ್ದಿಗಳು 

ಭಟ್ಕಳ

ತಾಲೂಕಿನ ಮಾವಿನಕುರ್ವೆ ಬಂದರಿನ ಎನ್.ಕೆ. ಫೆಡರೇಶನ್ ಡಿಸೇಲ್ ಬಂಕಿನ ಬಳಿ ನಿಲ್ಲಿಸಲಾಗಿದ್ದ ಹೀರೋ ಹೊಂಡಾ ಸೈಂಡರ್ ಮೋಟಾರ್ ಬೈಕ್ ಅನ್ನು ಕಳ್ಳತನ ಮಾಡಿಕೊಂಡು ಪರಾರಿಯಾಗಿದ್ದ ಇಬ್ಬರನ್ನು ಪೊಲೀಸರು ಬಂಧಿಸಿರುವ ಘಟನೆ ನಡೆದಿದೆ.ಆರೋಪಿಗಳನ್ನು ತಾಲೂಕಿನ ಹೆಬಳೆ ಗ್ರಾಪಂ ಹನೀಫಾಬಾದ್ ೩ನೇ ಕ್ರಾಸ್‌ನ ನಿವಾಸಿಗಳಾದ ಮಹ್ಮದ್ ಮುಝಾಮಿಲ್ ನಿಸಾರ್ ಅಹ್ಮದ್ ಜಂಗೇರಿ ಯಾನೆ ಇಬ್ಬಿ ಮಜ್ಜು (೨೧) ಹಾಗೂ ಹನೀಫಾಬಾದ್ ತಲ್ಲಾ ಫಳ್ಳಿಯ ಹತ್ತಿರದ ನಿವಾಸಿ ನಿಯಾಮತ್ ಬುಡಾನ್ ಶೇಖ್ (೨೪) ಎಂದು ಗುರುತಿಸಲಾಗಿದೆ. ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ನ್ಯಾಯಾಂಗ ಬಂಧನ ವಿಧಿಸಲಾಗಿದೆ. ಈ ಸಂಬAಧ ಎನ್.ಕೆ.ಫೆಡರೇಶನ್ ಡಿಸೇಲ್ ಬಂಕಿನಲ್ಲಿ ಕೆಲಸ ಮಾಡಿಕೊಂಡಿದ್ದ ಮಹೇಶ ವೆಂಕಟ್ರಮಣ ಮೊಗೇರ ಎಂಬುವವರು, ಕಳೆದ ಸೆ.೨೩ರ ರಾತ್ರಿ ೧೦-೩೦ ಗಂಟೆಯಿAದ ಸೆ.೨೪ರ ಬೆಳಗಿನ ಜಾವ ೨ ಗಂಟೆಯ ಅವಧಿಯಲ್ಲಿ ಬಂಕಿನ ಸಮೀಪ ನಿಲ್ಲಿಸಲಾಗಿದ್ದ ಬೈಕ್ ಕಳ್ಳತನ ಆಗಿರುವ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದರು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶಿವಪ್ರಕಾಶ ದೇವರಾಜು, ಎಡಿಶನಲ್ ಎಸ್ಪಿ ಎಸ್.ಬದ್ರಿನಾಥ, ಡಿವಾಯ್‌ಎಸ್ಪಿ ಕೆ.ಯು.ಬೆಳ್ಳಿಯಪ್ಪರವರ ನಿರ್ದೇಶನದಂತೆ ಪೊಲೀಸ್ ವೃತ್ತ ನಿರೀಕ್ಷಕ ದಿವಾಕರ ಪಿ.ಎಮ್. ನೇತೃತ್ವದಲ್ಲಿ ಎಸೈ ಭರತ್, ಎಸ್‌ಐ ರತ್ನಾ ಕುರಿ, ಪೊಲೀಸ್ ಸಿಬ್ಬಂದಿಗಳಾದ ಮಂಜುನಾಥ ಗೊಂಡ, ನಿಂಗನ ಗೌಡ ಪಾಟೀಲ್, ಚಂದ್ರಕಾAತ ಕುಂಬಾರ, ದಿನೇಶ ನಾಯಕ, ಲೋಕಪ್ಪ ಕಶ್ ಕತ್ತಿ, ಈರಣ್ಣ, ನಾಗರಾಜ ಮೊಗೇರ ಅವರನ್ನು ಒಳಗೊಂಡ ತಂಡ ತನಿಖೆ ಕೈಗೊಂಡಿತ್ತು. ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.