ಕುಮಟಾದ ರೈಲ್ವೇ ನಿಲ್ದಾಣದಲ್ಲಿ ಹೆರವಟ್ಟಾದ ಡ್ರಗ್ ಪೆಡ್ಲರ್ ಬಂಧನ..

ಜಿಲ್ಲಾ ಸುದ್ದಿಗಳು 

ಕುಮಟಾ

ಗೋವಾದಲ್ಲಿ ದಾಖಲಾದ ಡ್ರಗ್ಸ್ ಮಾರಾಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ಹೆರವಟ್ಟಾದ ಯುವಕನನ್ನು ಕುಮಟಾ ಪೋಲೀಸರು ಮತ್ತು ಗೋವಾ ಪೋಲೀಸರ ಸತತ ಕಾರ್ಯಾಚರಣೆಯ ಮೂಲಕ ಕುಮಟಾದ ಡ್ರಗ್ ಪೆಡ್ಲರ್ ನನ್ನು ಬಂದಿಸಿದ್ದಾರೆ. ರಜತ್ ನಾಯಕ್ ಎಂಬ ಆರೋಪಿಯನ್ನು ಗೋವಾದ ಎನ್.ಸಿ.ಬಿ ಪೋಲೀಸರು ಬಂಧಿಸಿ ಕರೆದೊಯ್ದಿದ್ದಾರೆ.

ಗೋವಾದಲ್ಲಿ ದಾಖಲಾದ ಡೃಗ್ಸ ಮಾರಾಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಗೋವಾ ಪೋಲೀಸರು ಕೆಲ ಆರೋಪಿಗಳನ್ನು ವಿಚಾರಣೆ ನಡೆಸಿದ್ದರು ಈ ಸಂದರ್ಭದಲ್ಲಿ ಕುಮಟಾದ ರಜತ್ ನಾಯಕ್ ಹೆಸರೂ ಕೂಡ ಬಹಿರಂಗಗೊಂಡಿದೆ. ತಕ್ಷಣ ಕಾರ್ಯ ಪೃವೃತ್ತರಾದ ಪೋಲೀಸರು ರಜತ್ ನ ಬಂಧನಕ್ಕೆ ಜಾಲ ಬೀಸಿದ್ದು ಈತನು ತಲೆ ಮರೆಸಿಕೊಂಡಿದ್ದ ಕೊನೆಗೆ ಮೊಬೈಲ್ ಟ್ರ್ಯಾಕ್ ಮಾಡಿದಾಗ ಕುಮಟಾದಲ್ಲಿರುವುದು ತಿಳಿದು ಬಂದಿದೆ. ಎರಡು ದಿನಗಳ ಹಿಂದೆಯೇ ಗೋವಾಕ್ಕೆ ಆಗಮಿಸಿದ ಪೋಲೀಸರು ಕುಮಟಾ ಪೋಲೀಸರ ಸಹಾಯ ಪಡೆದು ಆರೋಪಿ ರಜತ್ ನಾಯಕ್ ನನ್ನು ಬಂಧಿಸಲು ಶೋಧ ಕಾರ್ಯ ನಡೆಸಿದರು. ಕುಮಟಾದ ರೈಲ್ವೇ ನಿಲ್ದಾಣದಲ್ಲಿ ರವಿವಾರ ರಾತ್ರಿ ರಜತ್ ನಾಯಕ್ ಇರುವ ಖಚಿತ ಮಾಹಿತಿ ಪಡೆದ ಪೋಲೀಸರು ತಕ್ಷಣ ರೈಲ್ವೇ ನಿಲ್ದಾಣಕ್ಕೆ ತೆರಳಿ ಆರೋಪಿ ರಜತ್ ನಾಯಕ್ ನನ್ನು ಬಂಧಿಸಿದ್ದಾರೆ.

ರಾಜ್ಯದ ಹಲವು ಕಡೆ ಡ್ರಗ್ ಪೂರೈಕೆ ಮಾಡುತ್ತಿದ್ದನು ಹಾಗೂ ಗೋವಾದ ಬೇರೆ ಬೇರೆ ಕಡೆಗಳಲ್ಲಿ ಗ್ಯಾಂಗ್ ಕಟ್ಟಿಕೊಂಡು ಡ್ರಗ್ಸ್ ಪೂರೈಕೆ ಮಾಡುತ್ತಿದ್ದ . ಈತನ ಮಾಹಿತಿ ಕಲೆಹಾಕಿ ಕಣ್ಣಿಟ್ಟಿದ್ದ ಗೋವಾ ಪೋಲೀಸರು ಕೆಲ ದಿನಗಳ ಹಿಂದಷ್ಟೇ ಊರಿಗೆ ಬಂದಿದ್ದ ಈತನನ್ನು ಕುಮಟಾ ಪೋಲೀಸರಿಂದ ಮಾಹಿತಿ ಪಡೆದು ಗೋವಾ ಪೋಲೀಸರು ಬಂದಿಸಿದ್ದಾರೆ. ಬಂಧಿತ ರಜತ್ ನಾಯಕ್ ಆರೋಪಿಯನ್ನು ಗೋವಾಗೆ ಕರೆದೊಯ್ದು ಹೆಚ್ಚಿನ ವಿಚಾರಣೆ ಮುಂದುವರೆಸಿದ್ದಾರೆ..