ಕುಮಟಾ: ಮಟ್ಕಾ ಆಡಿಸುತ್ತಿದ್ದ ವ್ಯಕ್ತಿಯನ್ನು ವಶಕ್ಕೆ ಪಡೆದ ಪೋಲೀಸರು…!!!

ರಾಜ್ಯ ಸುದ್ದಿಗಳು

ಕುಮಟಾ:

ಹಿರೇಗುತ್ತಿ ಬಳಿ ಮಟ್ಕಾ ಆಡಿಸುತ್ತಿದ್ದ ವ್ಯಕ್ತಿಯನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿದ್ದಾರೆ. ಕುಮಟಾ ತಾಲೂಕಿನ ಹಿರೇಗುತ್ತಿಯ ನುಶಿಕೋಟೆಯ ಗೋವಿಂದ ನಾಯ್ಕ (64) ಪೋಲೀಸರಿಂದ ವಶಕ್ಕೆ ಒಳಗಾದ ಆರೋಪಿಯಾಗಿದ್ದಾನೆ. ಈತನು ಗೋಕರ್ಣ ಪೋಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಮೇಲಿನ ಹಿರೇಗುತ್ತಿಯ ನುಶಿಕೋಟೆಯ ಕ್ರಾಸ್ ಹತ್ತಿರ ಸಾರ್ವಜನಿಕ ರಸ್ತೆಯಲ್ಲಿ ತನ್ನ ಲಾಭಕ್ಕೋಸ್ಕರ ಅಲ್ಲಿ ಬಂದು ಹೋಗುವ ಜನರನ್ನು ಕರೆದು ತಮ್ಮ ತಮ್ಮ ಅದೃಷ್ಟದ ಸಂಖ್ಯೆಯ ಮೇಲೆ ಹಣ ಪಂಥ ಕಟ್ಟಿ ಅದೃಷ್ಟದ ಸಂಖ್ಯೆ ತಾಗಿದರೆ ಒಂದು ರೂಪಾಯಿಗಳ ಮೇಲೆ 80 ರುಪಾಯಿ ಕೊಡುವುದಾಗಿ ಹೇಳಿ ಅವರ ಮನವೊಲಿಸಿ ಸಾರ್ವಜನಿಕರಿಂದ ಅಕ್ರಮವಾಗಿ ಹಣ ಪಡೆದು ಅವರು ಹೇಳಿದ ಅಂಕಿ ಸಂಖ್ಯೆಯನ್ನು ತನ್ನ ಹತ್ತಿರ ಇರುವ ಚೀಟಿಯಲ್ಲಿ ಬರೆದುಕೊಂಡು ಓಸಿ ಮಟ್ಕಾ ಜೂಜಾಟ ಆಡಿಸುತ್ತಿದ್ದಾಗ ದಾಳಿ ನಡೆಸಿದ ಗೋಕರ್ಣ ಪಿ.ಎಸ್.ಐ ನವೀನ್ ಎಸ್ ನಾಯ್ಕರ ತಂಡವು ಆರೋಪಿಯೊಂದಿಗೆ ನಗದು ಹಣ 1270 ರುಪಾಯಿ ಹಾಗು ಓಸಿ ಮಟ್ಕಾ ಜೂಜಾಟದ ಸಲಕರಣೆಗಳನ್ನು ಗುರುವಾರ ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿದ್ದಾರೆ.