ಭಟ್ಕಳ: ಸಮಾಜವಾದಿ ಪಕ್ಷದ ತಾಲೂಕಾಧ್ಯಕ್ಷರಾಗಿ ಅಂತೋನ ನೇಮಕ

 ಜಿಲ್ಲಾ ಸುದ್ದಿಗಳು 

ಭಟ್ಕಳ:

ಕರ್ನಾಟಕ ಸ್ವಭಿಮಾನಿ ಕ್ರಾಂತಿ ಸಂಘದ ಭಟ್ಕಳ ತಾಲೂಕ ಉಪಾಧ್ಯಕ್ಷ, ಸಾಮಾಜಿಕ ಹೋರಾಟಗಾರ ಅಂತೋನ ಜೂಜೆ ಲೂಯಿಸ್ ಸಮಾಜವಾದಿ ಪಕ್ಷದ ಭಟ್ಕಳ ತಾಲೂಕ ಅಧ್ಯಕ್ಷರಾಗಿ ನೇಮಕ ಗೊಂಡಿದ್ದಾರೆ. ಸಮಾಜವಾದಿ ಪಕ್ಷದ ರಾಷ್ಟೀಯ ಅಧ್ಯಕ್ಷರಾದ ಅಖಿಲೇಶ್ ಯಾಧವ್ ರವರ ಆಶೀರ್ವಾದದೊಂದಿಗೆ, ರಾಜ್ಯ ಅಧ್ಯಕ್ಷರಾದ ರಾಬಿನ್ ಮ್ಯಾಥ್ಯೂಸ್ ರವರ ಒಪ್ಪಿಗೆಯ ಮೇರೆಗೆ, ಪಕ್ಷದ ಎಲ್ಲಾ ರಾಜ್ಯ ನಾಯಕರು ಹಾಗೂ ಜಿಲ್ಲೆಯ ಎಲ್ಲಾ ನಾಯಕರ ಒಮ್ಮತದ ಅಭಿಪ್ರಾಯದೊಂದಿಗೆ ಯುವ ಹೋರಾಟಗಾರರು, ಸಂಘಟಕರು ಆದಂತ ನೇರ ನಡೆ ನುಡಿಯ ನಾಯಕ ಕರ್ನಾಟಕ ಸ್ವಾಭಿಮಾನಿಕ್ರಾಂತಿ ಸಂಘದ ಭಟ್ಕಳ ತಾಲ್ಲೂಕ ಉಪಾಧ್ಯಕ್ಷ ಅಂತೋನ್ ಜೂಜೆ ಲೂಯಿಸ್ ಮುಂಡಳ್ಳಿರವರನ್ನು ಸಮಾಜವಾದಿ ಪಕ್ಷದ ಭಟ್ಕಳ ತಾಲೂಕ ಅಧ್ಯಕ್ಷರನ್ನಾಗಿ ನೇಮಕ ಮಾಡಿ ಸಮಾಜವಾದಿ ಪಕ್ಷದ ಉತ್ತರ ಕನ್ನಡ ಜಿಲ್ಲಾಧ್ಯಕ್ಷ ನಾಗರಾಜ ನಾಯ್ಕ ನೇಮಕಾತಿ ಪತ್ರ ನೀಡಿದ್ದಾರೆ.

ಪಕ್ಷದ ನಿಯಮಗಳಿಗೆ ಒಳಪಟ್ಟು ಜಿಲ್ಲೆಯ ಪ್ರತಿ ತಾಲೂಕಿನಲ್ಲಿ ಪಕ್ಷದ ಸಂಘಟನೆಯನ್ನು ಮಾಡಲು, ಜನರ ಸಮಸ್ಯೆಗಳಿಗೆ ಸ್ಪಂದಿಸಲು, ಜನಪರ ಹೋರಾಟಗಳನ್ನು ಹಮ್ಮಿಕೊಳ್ಳಲು ಅಂತೋನ್ ರವರಿಗೆ ಅಧಿಕಾರವನ್ನು ನೀಡುತ್ತಿದ್ದೇನೆ ಎಂದು ನೇಮಕಾತಿ ಪತ್ರದಲ್ಲಿ ತಿಳಿಸಿದ್ದಾರೆ.