ರಾಜ್ಯ ಸುದ್ದಿ 

ಶಿರಸಿ: ನಗರದ ಸಾಮ್ರಾಟ್ ಹೊಟೇಲ್ ಎದುರಿಗಿನ ನೀಲಕಂಠ ನಾರಾಯಣ ಮುರ್ಡೇಶ್ವರ ಎನ್ನುವವರ ಮನೆಯ ಎದುರಿನ ಖುಲ್ಲಾ ಜಾಗದಲ್ಲಿ ಇರಿಸಿದ್ದ ತಾಮ್ರದ ಹಂಡೆ ಯನ್ನು ಕದ್ದ ಇಬ್ಬರು ಆರೋಪಿಗಳನ್ನು ಶಿರಸಿ ಮಾರುಕಟ್ಟೆ ಠಾಣೆ ಪೋಲೀಸರು ಬಂಧಿಸಿದ್ದಾರೆ.ಶಿರಸಿ ಗಣೇಶ ನಗರದ ಸಲೀಂ ಸಾಬ್ದಾನಸಾಬ್ ಶಿವಮೊಗ್ಗ ಹಾಗೂ ದೇವಿದಾಸ ಪಾಪ ಗೋಸಾವಿ ಆರೋಪಿಗಳಾಗಿದ್ದು ಇವರಿಂದ ಸುಮಾರು 8 ಕೆಜಿ ತೂಕದ ತಾಮ್ರದ ಹಂಡೆ ಯನ್ನು ಪೆÇಲೀಸರು ವಶಕ್ಕೆ ಪಡೆದಿದ್ದಾರೆ.

ಶಿರಸಿ ಡಿವೈಎಸ್ಪಿ ರವಿ ನಾಯ್ಕ ಅವರ ಮಾರ್ಗದರ್ಶನದಲ್ಲಿ ಸಿಪಿಐ ರಾಮಚಂದ್ರ ನಾಯಕ, ಮಾರುಕಟ್ಟೆ ಠಾಣೆ ಪಿಎಸ್‍ಐ ಭೀಮಾಶಂಕರ್, ಕ್ರೈಂ ಪಿಎಸ್‍ಐ ಜಯಶ್ರೀ, ಸಿಬ್ಬಂದಿಗಳಾದ ಮೊಹಮ್ಮದ್ ಇಸ್ಮಾಯಿಲ್ ಕೋಣನಕೇರಿ, ರಾಮಯ್ಯ ಪೂಜಾರಿ, ಹನುಮಂತ, ಮೋಹನ ನಾಯ್ಕ, ಪಾಂಡುರಂಗ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.