ನದಾಫ-ಪಿಂಜಾರ ನಿಗಮ ಮಂಡಳಿ ಸ್ಥಾಪನೆಗೆ ಒತ್ತಾಯ…!!! ಶೈಕ್ಷಣಿ, ಆರ್ಥಿಕ, ಉದ್ಯೋಗಿಕ ಹಾಗೂ ಸಾಮಾಜಿಕವಾಗಿ ಹಿಂದುಳಿದಿರುವ ನದಾಫ್-ಪಿಂಜಾರ ಸಮುದಾಯ

ಜಿಲ್ಲಾ ಸುದ್ದಿಗಳು

ಮುದ್ದೇಬಿಹಾಳ ಡಿ.1:

ಕರ್ನಾಟಕ ರಾಜ್ಯದಲ್ಲಿ ಅತೀ ಶೈಕ್ಷಣಿಕ, ಆರ್ಥಿಕ, ಔದ್ಯುಓಕಿ ಹಾಗೂ ಸಾಮಾಜಿಕವಾಗಿ ಹಿಂದುಳಿದಿರುವ ನದಾಫ-ಪಿಂಜಾರ ಸಮುದಾಯಕ್ಕೆ ನಿಗಮ ಮಂಡಳಿ ರಚಿಸಬೇಕು ಎಂದು ಆಗ್ರಹಿಸಿ ಕರ್ನಾಟಕ ರಾಜ್ಯ ನದಾಫ/ಪಿಂಜಾರ ಸಂಘದ ತಾಲೂಕಾ ಪದಾಧಿಕಾರಿಗಳು ತಹಸೀಲ್ದಾರ ಅವರ ಮೂಲಕ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಸಂಘ ತಾಲೂಕಾಧ್ಯಕ್ಷ ಮಲಿಕಸಾಬ ನದಾಫ ಮಾತನಾಡಿ, ತಲಾತಲಾಂತರದಿAದಲೂ ನದಾಫ/ಪಿಂಜಾರ ಜನಾಂಗದವರು ಗಾದಿ ತಯ್ಯಾರಿಸುವ, ಗುಡಾರ ನೇಯ್ಗೆ, ಹಗ್ಗ-ಕಣ್ಣಿಗಳ ತಯ್ಯಾರಿಕೆ ಕೆಲಸಗಳ ಮೇಲೆಯೇ ಅವಲಂಭಿತರಾಗಿದ್ದಾರೆ. ಅಲ್ಲದೇ ಸಮಾಜವು ಅಲೆಮಾರಿ ಜೀವನ ಸಾಗಿಸುತ್ತಿದ್ದು ಈ ಜನಾಂಗದಿAದ ಸರಕಾರದ ಉನ್ನತ ಹುದ್ದೆಗಳಲ್ಲಿ ಆಯ್ಕೆಯಾಗದಿರುವುದು ಶೈಕ್ಷಣಿಕವಾಗಿ ಸಮಾಜವು ಹಿಂದುಳಿದಿದ್ದನ್ನು ತೋರಿಸುತ್ತದೆ. ಆದ್ದರಿಂದ ಸಮಾಜಕ್ಕೆ ನಿಗಮ ಮಂಡಳಿ ಅತೀ ಅವಶ್ಯಕವಿದ್ದು ಕೂಡಲೇ ನಿಗಮ ಮಂಡಳಿಯನ್ನು ಸ್ಥಾಪಿಸಬೇಕು ಎಂದು ಅವರು ಹೇಳಿದರು.
ಈ ಸಂದರ್ಭದಲ್ಲಿ ನಬಿಸಾಬ ಕಂಬಾರ(ಕಾರ್ಗಿಲ್), ಬಾಬು ದಿಡ್ಡಿಮನಿ, ಮುಕ್ತುಮಸಾಬ ನದಾಫ, ಚಾಂದಸಾಬ ನದಾಫ, ಅಬ್ದುಲ್‌ಸಾಬ ನದಾಫ, ದಾವಲಸಾಬ ವಾಲಿಕಾರ, ನಬಿ ಮಾದಿನಾಳ, ಲಾಲಸಾಬ ಪಿಂಜಾರ, ಬಾಬು ನದಾಫ್, ಎಚ್.ಢವಳಗಿ, ಅಬ್ದುಲರಜಾಕ ಗಂಗೂರ, ಲಾಳೇಮಶಾಕ ನದಾಫ್, ನೂರನಬಿ ನದಾಫ ಸೇರಿದಂತೆ ಇತರರಿದ್ದರು.