ಜೀಲ್ಲಾ ಸುದ್ದಿಗಳು

ಸ್ಥಳೀಯ ಹುಕ್ಕೇರಿ ಹಿರೇಮಠದ ಶಾಖಾಮಠದಲ್ಲಿ ಇಂದು ರಾಯಬಾಗ ಪಟ್ಟಣದ ದೇವಸ್ಥಾನ, ಮಠ, ಬಸ್ತಿ, ದರ್ಗಾ ಎಲ್ಲಾ ಅರ್ಚಕರಿಗೆ ಹುಕ್ಕೇರಿ ಹಿರೇಮಠದ ಚಂದ್ರಶೇಖರ ಶಿವಾಚಾರ್ಯ ಸ್ವಾಮಿಗಳು 50 ಜನ ಅರ್ಚಕರಿಗೆ ಆಹಾರದ ಕಿಟ್ಟನ್ನು ವಿತರಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಶಾಸಕ ದುರ್ಯೋಧನ ಐಹೊಳೆ ಯವರು ಹುಕ್ಕೇರಿ ಗುರುಶಾಂತೇಶ್ವರ ಸಂಸ್ಥಾನ ಹಿರೇಮಠದಿಂದ ರಾಜ್ಯದ ಅನೇಕ ಜನರಿಗೆ ಇವತ್ತು ಅನುಕೂಲವಾಗಿದೆ.
ಬೆಳಗಾವಿ, ಹುಕ್ಕೇರಿ, ರಾಯಬಾಗ, ಗೋವಾ ರಾಜ್ಯ ಸೇರಿದಂತೆ ಅನೇಕ ಕೂಲಿಕಾರ್ಮಿಕರಿಗೆ, ಅನಾಥರಿಗೆ ನಿರಾಶ್ರಿತರಿಗೆ, ಬಡವರಿಗೆ, ಆಹಾರದ ಕಿಟ್ಟನ್ನು ವಿತರಿಸುವ ಮುಖಾಂತರ ಮಾದರಿಯಾಗಿದ್ದಾರೆ. ಇಂದು ರಾಯಬಾಗ ತಾಲೂಕಿನ ಎಲ್ಲಾ ಮಠ, ಮಂದಿರ, ದೇವಸ್ಥಾನ ಪೂಜೆ ಮಾಡುವ ಅರ್ಚಕರಿಗೆ ಆಹಾರಕ್ಕಿಟ್ಟನ್ನು ವಿತರಿಸುವ ಮುಖಾಂತರ ಅರ್ಚಕರ ಕಷ್ಟಕ್ಕೆ ನೆರವಾಗಿರುವುದು ಅಭಿಮಾನದ ಸಂಗತಿ. ನಾವು ಕೂಡ ಯಡಿಯೂರಪ್ಪನವರಿಗೆ ಮನವಿ ಮಾಡುತ್ತೇವೆ. ಅರ್ಚಕರಿಗೂ ಕೂಡ ಸಹಾಯವನ್ನು ನೀಡಬೇಕು ಎಂದು ಕೇಳಿಕೊಳ್ಳುತೇವೆ ಎನ್ನುವ ಮಾತನ್ನು ಶಾಸಕರು ಹೇಳಿದರು.
ಇದೇ ಸಂದರ್ಭದಲ್ಲಿ ಮಾತನಾಡಿದ ಶ್ರೀ ಷ ಬ್ರ ಚಂದ್ರಶೇಖರ ಶಿವಾಚಾರ್ಯ ಸ್ವಾಮಿಗಳು ಏನೆ ಒಳ್ಳೆಯ ಕಾರ್ಯದಲ್ಲಿ ಅರ್ಚಕರ, ಪುರೋಹಿತರ ಸೇವೆ ಅನನ್ಯವಾಗಿರುತ್ತದೆ. ಅವರು ಕೂಡ ಈಗ ಕಷ್ಟದಲ್ಲಿದ್ದಾರೆ. ಅವರಿಗೂ, ಜನಪ್ರತಿನಿಧಿಗಳು ಮತ್ತು ಸಾರ್ವಜನಿಕರು ಸಹಾಯವನ್ನು ನೀಡುವ ಅವಶ್ಯಕತೆ ಇದೆ. ಸಾಕಷ್ಟು ಪುರೋಹಿತರ ಬದುಕು ಕಷ್ಟದಲ್ಲಿದೆ ಎಂದರು. ನಗರದ ಅನೇಕ ಹಿರಿಯರು ಭಾಗವಹಿಸಿದ್ದರು.