ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮ:ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘ ತಾಲ್ಲೂಕು ಶಾಖೆ‌ ಇಳಕಲ್

ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ:ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘ ತಾಲ್ಲೂಕು ಶಾಖೆ‌ ಇಳಕಲ್ ವತಿಯಿಂದ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮ ದಿನಾಂಕ:27-03-2022 ರವಿವಾರ ದಂದು ಬೆಳಿಗ್ಗೆ 10 ಗಂಟೆಯಿಂದ ಇಲಕಲ್ಲಿನ ಎಸ್ ಗೊಂಗಡಶೆಟ್ಟಿ ಕಲ್ಯಾಣ ಮಂಟಪದಲ್ಲಿ ಜರುಗಲಿದೆ ಎಂದು ತಾಲ್ಲೂಕು ಅಧ್ಯಕ್ಷರಾದ ಪರಶುರಾಮ ಎಸ್ ಪಮ್ಮಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಮಹಿಳಾ ಸರ್ಕಾರಿ ನೌಕರರಿಗಾಗಿ ವಿವಿಧ ರೀತಿಯ ಮನರಂಜನಾ ಸ್ಪರ್ಧೆಗಳಾದ ರಂಗೋಲಿ ಸ್ಪರ್ಧೆ, ಮ್ಯುಜಿಕಲ್ ಚೇರ್,ಲೆಮನ್-ಸ್ಪೂನ್, ಗಾಯನ ಸ್ಪರ್ಧೆ ಹಾಗೂ ಬಕೆಟಿಂಗ್ ದ ಬಾಲ್ ಸ್ಪರ್ಧೆಗಳು ನಡೆಯಲಿದೆ ಹಾಗೂ ಈಗಾಗಲೇ 150 ಕ್ಕೂ ಹೆಚ್ಚು ಮಹಿಳಾ ಸರ್ಕಾರಿ ನೌಕರರು ಆನ್‌ಲೈನ್ ನೋಂದಣಿ ಮಾಡಿಕೊಂಡಿರುತ್ತಾರೆ ಹಾಗೂ ಅಂದೇ ನೇರವಾಗಿ ಹಾಜರಾಗುವವರಿಗೂ ನೋಂದಣಿ ಮಾಡಿಕೊಳ್ಳಲಾಗುವುದು ಎಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಉದ್ಘಾಟಕರಾಗಿ ರಾಜ್ಯ ಕಾರ್ಯಾಧ್ಯಕ್ಷರಾದ ಎಂ‌ ಬಿ ಬಳ್ಳಾರಿ,ಡಾ.ಶ್ರೀಮತಿ ಜಯಶ್ರೀ ಎಮ್ಮಿ ಜಿಲ್ಲಾ ಆರೋಗ್ಯ ಅಧಿಕಾರಿಗಳ ಘನ ಉಪಸ್ಥಿತಿ,ವಿಶೇಷ ಉಪನ್ಯಾಸಕರಾಗಿ ಖ್ಯಾತ ಜಾನಪದ ಸಾಹಿತಿಗಳಾದ ಸಿದ್ದಪ್ಪ ಬಿದರಿ ಹಾಗೂ ಮುಖ್ಯ ಅತಿಥಿಗಳಾಗಿ ತಹಶಿಲ್ದಾರರಾದ ಬಸವರಾಜ ಮೆಳವಂಕಿ,ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ಎಂ ಜಿ ಬೆಳ್ಳೆನವರ,ಜಿಲ್ಲಾ ಪದಾಧಿಕಾರಿಗಳಾದ ಸಂಜೀವ ಸತ್ಯರಡ್ಡಿ,ವಿಠ್ಠಲ ವಾಲಿಕಾರ,ಎಸ್ ಕೆ ಹೀರೆಮಠ,ಸುರೇಶ ಇಂಜಗನೇರಿ,ಸಂಗಣ್ಣ ಹಂಡಿ ಭಾಗವಹಿಸಲಿದ್ದಾರೆ ಕಾರಣ ತಾಲ್ಲೂಕಿನ ಸರಕಾರಿ ನೌಕರ ಬಾಂಧವರು ಭಾಗವಹಿಸಿ,ಕಾರ್ಯಕ್ರಮ ಯಶಸ್ವಿಗೊಳಿಸಲು ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ ಕಾರ್ಯದರ್ಶಿ ಗುಂಡಪ್ಪ ಕುರಿ,ಖಜಾಂಚಿಗಳಾದ ಎಂ‌ ಎಚ್ ಗೌಡರ,ಗೌರವಾಧ್ಯಕ್ಷರಾದ ಎಸ್ ಎನ್ ಗಡೇದ ಉಪಸ್ಥಿತರಿದ್ದರು.