ವೀರೇಶ ಕನಸಾವಿ ಎಂಬ ನಿಸ್ವಾರ್ಥ ಜನಾನುರಾಗಿ ನೇತ್ರ ಚಿಕಿತ್ಸಕ

ಜಿಲ್ಲಾ ಸುದ್ದಿಗಳು 

ಮಸ್ಕಿ 

ಸರಳ ಜೀವಿ ಹಾಗೂ ಸದಾ ನಗುಮೊಗದಲ್ಲೇ ಸಾವಿರಾರು ಜನರಿಗೆ ನೇತ್ರ ಚಿಕಿತ್ಸೆ ನೀಡುವ ನಿಸ್ಸಹಾಯಕ ಧುರೀಣನಿಗೆ ವೈದ್ಯಸಿರಿ ಪ್ರಶಸ್ತಿ ನೀಡಿ ಸನ್ಮಾನತಾಲೂಕಿನ ಬುದ್ದಿನ್ನಿ.ಎಸ್ ಗ್ರಾಮದವರಾದ ಶ್ರೀ ವೀರೇಶ್ ಕನಸಾವಿ ಇವರು ದಯೆ, ಕರುಣೆ, ಸಧುವಿನಯ,ಸಂಸ್ಕಾರ, ಸಂಪ್ರದಾಯ ಹಾಗೂ ಸದಾ ನಗುಮುಖದಿಂದ ಸರ್ವ ಜನಾಂಗದವರ ಮನ ಗೆದ್ದು ನೇತ್ರ ಶಸ್ತ್ರ ಚಿಕಿತ್ಸಾ ವಿಭಾಗದಲ್ಲಿ ತಮ್ಮದೇ ಆದ ಸೇವೆ ಗೈದು ನಿರಹಂಕಾರಿ ಭಾವ ಜೀವಿಯಾದ ಶ್ರೀ ವೀರೇಶ್ ಕನಸಾವಿ ಇವರಿಗೆ ಬಳ್ಳಾರಿ ಗಡಿ ಭಾಗವಾದ ಕರ್ನೂಲ್ ಜಿಲ್ಲೆಯ ಆದೋನಿ ತಾಲೂಕಿನ ಜಂಗಮರ ಹೊಸಹಳ್ಳಿಯ ಶ್ರೀ ಪುರವರ್ಗ ಮಠದ ಜಾತ್ರಾ ಮಹೋತ್ಸವದ ಹಾಗೂ ಬೆಳ್ಳಗುರ್ಕಿ ಶ್ರೀ ಎರ್ರಿತಾತನವರ ಪುರಾಣ ಪ್ರವಚನ ಮಹಾಮಂಗಲದ ಶುಭ ಸಂಧರ್ಭದಲ್ಲಿ ಶ್ರೀ ಮಠದ ಒಡೆಯರಾದ ಶ್ರೀ ಷ. ಬ್ರ. ಅಜಾತ ಶಂಭುಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳ

ಹಾಗೂ ನಾಡಿನ ಹರ ಗುರು ಚರ ಮೂರ್ತಿಗಳ ದಿವ್ಯ ಸಾನ್ನಿಧ್ಯದಲ್ಲಿ ‘ವೈದ್ಯಸಿರಿ’ ಎನ್ನುವ ಅಭಿದಾನವನ್ನಿತ್ತು ನಿಮ್ಮ ಸೇವೆ ಸಮಾಜಕ್ಕೆ ಇನ್ನೂ ಹೆಚ್ಚಿನ ಮಟ್ಟದಲ್ಲಿ ದೊರೆಯಲೆಂದು ಶಾಲು ಹೂವಿನ ಹಾರ ಹಾಕಿ ಶ್ರಿಗಳು ಹೃದಯ ತುಂಬಿ ಆಶೀರ್ವದಿಸಿದರು.ಇದೇ ಸಂದರ್ಭದಲ್ಲಿಶ್ರೀ ಪುರವರ್ಗ ಮಠದ ಜಾತ್ರಾ ಮಹೋತ್ಸವಕ್ಕೆ ಆಗಮಿಸಿದ ವಿವಿಧ ಮಠಗಳ ಮಠಾಧೀಶರು, ಸಕಲ ಸದ್ಭಕ್ತರು,ಗಣ್ಯರುಗಳು ಸೇರಿದಂತೆ ಇನ್ನಿತರರು ಭಾಗಿಯಾಗಿದ್ದರು.