ಮಾನವೀಯತೆ ಮೆರೆದು ಗಾಯಾಳುಗಳನ್ನು ಆಸ್ಪತ್ರೆಗೆ ರವಾನಿಸಿದ ಸಚಿವ ಡಾ.ಸುಧಾಕರ್

ರಾಜ್ಯ ಸುದ್ದಿಗಳು 

ದೇವನಹಳ್ಳಿ

ಆರೋಗ್ಯ ಸಚಿವ ಸುಧಾಕರ್ ರವರು ಜಿಲ್ಲಾ ಪಲ್ಸ್ ಪೊಲೀಯೊ ಕಾರ್ಯಕ್ರಮ ಮುಗಿಸಿ ತೆರಳುತ್ತಿದ್ದ ವೇಳೆ ಬೆಂಗಳೂರು ಹೈದರಾಬಾದ್ ರಸ್ತೆ ದೇವನಹಳ್ಳಿಯ ಬೈಪಾಸ್ ಬಳಿ ಅಪಘಾತವಾಗಿದೆ. ಸಚಿವರ ವಾಹನ ಸಂಚಾರಕ್ಕೆ ರಸ್ತೆ ಸುಗಮಗೊಳಿಸುವ ವೇಳೆ ಟಿಪ್ಪರ್ ಲಾರಿ ಬೈಕ್ ಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಆಂದ್ರದ ಕದಿರಿಯ ದಂಪತಿ ರಾಮಚಂದ್ರಪ್ಪ ಮತ್ತು ಶಂಕರಮ್ಮ ಇಬ್ಬರ ಕಾಲುಗಳು ನಜ್ಜುಗುಜ್ಜಾಗಿವೆ.

ಮದ್ಯಾಹ್ನ ಅಪಘಾತವಾದ ಕೂಡಲೇ ಜನರ ನೂಕುನುಗ್ಗಲು ಮತ್ತು ಗಲಾಟೆ ಕಂಡು ಆರೋಗ್ಯ ಸಚಿವರೇ ಘಟನಾ ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿ, ಗಾಯಾಳುಗಳನ್ನು ಆಸ್ಪತ್ರೆಗೆ ಶಿಫ್ಟ್ ಮಾಡಿಸಿದ್ದಾರೆ. ಇಬ್ಬರು ಬೈಕ್ ಸವಾರರ ಕಾಲ್ಗಳಿಗೆ ತೀವ್ರ ಗಾಯವಾಗಿದ್ದು, ಚಿಕಿತ್ಸೆ ಮುಂದುವರೆಸಿ ಎಂದು ವೈದ್ಯರಿಗೆ ಸೂಚನೆಯನ್ನು ನೀಡುವುದರ ಮೂಲಕ ಆರೊಗ್ಯ ಸಚಿವ ಸುಧಾಕರ್ ಮಾನವೀಯತೆ ಮರೆದಿದ್ದಾರೆ.