ಹಸಿದ ಹೊಟ್ಟೆ ತುಂಬಿಸುವುದು ನಿಜವಾದ ಧರ್ಮ – ಗರುಡ ರಾಮ್

ರಾಜ್ಯ ಸುದ್ದಿಗಳು 

ದೊಡ್ಡಬಳ್ಳಾಪುರ 

 ಇಂದು 669ನೇ ಅನ್ನದಾಸೋಹ ಕಾರ್ಯಕ್ರಮಕ್ಕೆ ಸ್ಯಾಂಡಲ್ ವುಡ್ ನ ಪ್ರಖ್ಯಾತ ಖಳನಾಯಕ ನಟ ಕೆಜಿಎಫ್ ಚಿತ್ರದ ಗರುಡ ರಾಮ್ ಭೇಟಿ ಕೊಟ್ಟಿದ್ದರು. ಗರುಡ ರಾಮ್ ರವರನ್ನು ದೊಡ್ಡಬಳ್ಳಾಪುರ ಯಶ್ ಅಭಿಮಾನಿಗಳು ಹಾಗೂ ದರ್ಗಜೋಗಹಳ್ಳಿ ಅನ್ನದಾಸೋಹ ಸಮಿತಿಯ ಮುಖ್ಯಸ್ಥ ಮಲ್ಲೇಶ ಹಾಗೂ ತಂಡ ಆತ್ಮೀಯವಾಗಿ ಸ್ವಾಗತ ಮಾಡಿದರು .

 ಕಾರ್ಯಕ್ರಮದಲ್ಲಿ ನಿರಾಶ್ರಿತ ಕಡುಬಡವರಿಗೆ ಆಹಾರ ಹಂಚುವ ಮುಖಾಂತರ ಗರುಡ ರಾಮ್ ಕಾರ್ಯಕ್ರಮಕ್ಕೆ ಮೆರಗು ತಂದುಕೊಟ್ಟರು. ಕಾರ್ಯಕ್ರಮದಲ್ಲಿ ಮಾತನಾಡಿದ ಗರುಡ ರಾಮ್ ಬಡತನ ಹಸಿವು ಭಾರತ ದೇಶದಲ್ಲಿ ಇನ್ನೂ ತಾಂಡವವಾಡುತ್ತಿದ್ದು ಹಸಿದ ಹೊಟ್ಟೆಗೆ ಊಟ ನೀಡುವುದು ಮನುಷ್ಯನ ಆದ್ಯ ಕರ್ತವ್ಯವಾಗಬೇಕು. ಹಸಿದ ಹೊಟ್ಟೆಗೆ ಊಟ ನೀಡುವುದು ಮನುಷ್ಯನ ಮೂಲ ಧರ್ಮವಾಗಿದೆ. ಸತತವಾಗಿ ಎರಡು ವರ್ಷಗಳಿಂದ ನಿರಾಶ್ರಿತ ಕಡುಬಡವರಿಗೆ ಆಹಾರ ಒದಗಿಸುವುದು ಸುಲಭದ ಮಾತಲ್ಲ ಇಂತಹ ಮಹತ್ಕಾರ್ಯವನ್ನು ಮಾಡುತ್ತಿರುವ ಮಲ್ಲೇಶ್ ಮತ್ತು ತಂಡಕ್ಕೆ ಶುಭವಾಗಲಿ ಎಂದು ಹಾರೈಸಿದರು. ಕಾರ್ಯಕ್ರಮದಲ್ಲಿ ಯಶ್ ಅಭಿಮಾನಿಗಳು ಹಾಗೂ ಮಲ್ಲೇಶ್ ಮತ್ತು ತಂಡ ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು