ವಿಧಾನ ಪರಿಷತ್ ಚುನಾವಣೆ ಶರಣೆಗೌಡ ಬಯ್ಯಾಪುರ ಪರ ಬೋಸರಾಜು, ಹಂಪಯ್ಯ ನಾಯಕರಿಂದ ಮತಯಾಚನೆ

ಜಿಲ್ಲಾ ಸುದ್ದಿಗಳು 

ಸಿರವಾರ

ರಾಯಚೂರು-ಕೊಪ್ಪಳ ವಿಧಾನ ಪರಿಷತ್ ಚುನಾವಣೆ ನಿಮಿತ್ತ ಕಾಂಗ್ರೆಸ್ ಅಭ್ಯರ್ಥಿ ಶರಣೆಗೌಡ ಬಯ್ಯಾಪುರ ಅವರ ಪರವಾಗಿ ಇಂದು ವಿಧಾನ ಪರಿಷತ್ ಮಾಜಿ ಸದಸ್ಯ ಹಾಗೂ ಎಐಸಿಸಿ ಕಾರ್ಯದರ್ಶಿ ಎನ್.ಎಸ್. ಬೋಸ ರಾಜು ಹಾಗೂ ಮಾಜಿ ಶಾಸಕ ಹಂಪಯ್ಯ ನಾಯಕ ಅವರು ಮತಯಾಚನೆ ಮಾಡಿದರು .ಇಂದು ತಾಲೂಕಿನ ನವಲಕಲ್, ಹೀರಾ, ಬಾಗಲವಾಡ ಗ್ರಾ.ಪಂ ಗಳಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಶರಣೆಗೌಡ ಬಯ್ಯಾಪುರ ಅವರ ಪರ ಮತಯಾಚನೆ ಮಾಡಲಾಯಿತ್ತು.

ಇದೇ ವೇಳೆ ಮಾತನಾಡಿದ ಮಾಜಿ ವಿಧಾನ ಪರಿಷತ್ ಸದಸ್ಯ ಎನ್ ಎಸ್ ಬೋಸರಾಜು ಯಾವುದೇ ಆಸೆ, ಆಮೀಷೆ ಗಳಿಗೆ ಬಲಿಯಾಗಬಾರದು. ನಿಷ್ಠಾವಂತ ಮತ್ತು ಸಾಮಾಜಿಕ ಕಳಕಳಿಯುಳ್ಳ ಶರಣೆಗೌಡ ಬಯ್ಯಾಪುರ ಅವರಿಗೆ ಮತ ನೀಡಿ ಅವರ ಗೆಲುವಿಗೆ ಶ್ರಮಿಸಬೇಕು ಎಂದರು.ಬಿಜೆಪಿ ಅಭ್ಯರ್ಥಿ ವಿಶ್ವನಾಥ ಎ.ಬನಹಟ್ಟಿ ಯವರು ಬೆಳಗಾವಿ ಜಿಲ್ಲೆಯವರು ಆದರೆ ಅವರಿಗೆ ನಮ್ಮ ಜಿಲ್ಲೆಯ ಸಮಸ್ಯೆಗಳ ಬಗ್ಗೆ ಮಾಹಿತಿ ಕೊರತೆ ಇದೆ. ಅಂತಹವರಿಗೆ ಮತದಾನ ಮಾಡಿದರೆ ನಿಮ್ಮ ಸಮಸ್ಯೆ ಪರಿಹರಿಸುವವರು ಯಾರು ಎಂದರು. ಬಿಜೆಪಿ ಪಕ್ಷದವರು ಸುಳ್ಳಿನ ಸರದಾರರು. ಜನರಿಗೆ ಸುಳ್ಳು ಹೇಳಿ ಅಧಿಕಾರಕ್ಕೆ ಬಂದವರು ಇಂದು ದೇಶವನ್ನು ದಿವಾಳಿ ಎಬ್ಬಿಸಿದ್ದಾರೆ ಎಂದರು.

ಇದೇ ಸಂದರ್ಭದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಶರಣೆಗೌಡ ಅವರು ಮತದಾನ ಮಾಡುವಂತೆ ಸದಸ್ಯರಲ್ಲಿ ಮತಯಾಚನೆ ಮಾಡಿದರು.

ಇದಕ್ಕೂ ಮೊದಲು ನವಲಕಲ್ ಬೃಹನ್ಮಠಕ್ಕೆ ಭೇಟಿ ನೀಡಿದ ವಿಧಾನ ಪರಿಷತ್ ಮಾಜಿ ಸದಸ್ಯ ಎನ್ ಎಸ್ ಬೋಸರಾಜ, ಮಾಜಿ ಶಾಸಕ ಹಂಪಯ್ಯ ನಾಯಕ, ಕಾಂಗ್ರೆ ಸ್ ಅಭ್ಯರ್ಥಿ ಶರಣೆಗೌಡ ಬಯ್ಯಾಪುರ, ಕಾಂಗ್ರೆಸ್ ಮುಖಂಡರು ಶ್ರೀಮಠದ ಶಾಂಭವಿ ದೇವಿಯ ದರ್ಶನ ಪಡೆದು ನಂತರ ಅಭಿನವ ಶ್ರೀ ಸೋಮನಾಥ ಶಿವಾಚಾರ್ಯ ಮಹಾ ಸ್ವಾಮಿಗಳ ಆಶೀರ್ವಾದ ಪಡೆದರು.

ಈ ಸಂದರ್ಭದಲ್ಲಿ ಶರಣಯ್ಯ ನಾಯಕ ಗುಡದಿನ್ನಿ, ಶಿವಕುಮಾರ ಚುಕ್ಕಿ, ಬ್ರಿಜೇಶ್ ಪಾಟೀಲ್, ಶಿವಶರಣ ಅರಕೇರಾ, ರಮೇಶ ದರ್ಶನಕರ್, ದಾನನಗೌಡ, ದೊಡ್ಡ ಬಸ್ಸಪ್ಪ ಗೌಡ ಭೋಗಾವತಿ,ಬೀರಪ್ಪ ಕಡದಿನ್ನಿ, ಅಯ್ಯ ನಗೌಡ ಜಂಬಲದಿನ್ನಿ,ಸೂರಿ ದುರುಗಣ್ಣ ನಾಯಕ, ನಾಗರಾಜ ಚಿನ್ನಾನ್, ಹನುಮ ನಗೌಡ ಮುರ್ಕಿಗುಡ್ಡ,ಅಂಬಣ್ಣ ನಾಯಕ, ನವಲಕಲ್ ಗ್ರಾ.ಪಂ ಅಧ್ಯಕ್ಷ ಶಿವರಾಜ, ಉಪಾಧ್ಯಕ್ಷ ಅಮರೇಶ ಪವರ್, ಮಲ್ಲಪ್ಪ ನವಲಕಲ್ ಸೇರಿದಂತೆ ಅನೇಕರು ಇದ್ದರು.