ಶಾಲಾ ಮಕ್ಕಳಿಂದ ಬಾಲ್ಯ ವಿವಾಹ ನಿಷೇಧ ಪೋಸ್ಟರ್ ಗಳ ಬಿಡುಗಡೆ

ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ:ಹುನಗುಂದ ತಾಲೂಕಿನ ಐಹೊಳೆ ಗ್ರಾಮದ ಶ್ರೀ ವಿಜಯ ಮಹಾಂತೇಶ ವಿದ್ಯಾವರ್ಧಕ ಸಂಘದ ಪ್ರೌಢಶಾಲಾಯಲ್ಲಿ ನವೆಂಬರ್ ೧ ಬಾಲ್ಯವಿವಾಹ ನಿಷೇಧ ದಿನ ಗಮನಿಸುವಿಕೆಯ ಆಚರಣೆ ಮಾಡಲಾಯಿತು. ಈ ಕಾರ್ಯಕ್ರಮವನ್ನು ಬಾಲ್ಯವಿವಾಹ ನಿಷೇಧ ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಲಾಯಿತು. ನಂತರ ಈ ಕಾರ್ಯಕ್ರಮದಲ್ಲಿ ಮಕ್ಕಳಿಂದ ಬಾಲ್ಯವಿವಾಹ ನಿಷೇಧ ಪ್ರತಿಜ್ಞಾ ವಿಧಿಯನ್ನು ಮಾಡಿಕೊಳ್ಳಲಾಯಿತು.

ಶಾಲಾ ಮಕ್ಕಳಿಂದ ಬಾಲ್ಯವಿವಾಹ ನಿಷೇಧ ದಿನಾಚರಣೆ ಕುರಿತು ಮತ್ತು ಮಕ್ಕಳ ಸಹಾಯವಾಣಿ ಕುರಿತು ಭಾಷಣ ಸ್ಪರ್ಧೆಯನ್ನು ಏರ್ಪಡಿಸಲಾಯಿತು ಅದರಲ್ಲಿ ಪ್ರಥಮ – ಭಾಗ್ಯ ನರಟ್ಟಿ, ೯ನೇ ತರಗತಿ, ದ್ವಿತೀಯ – ಮಹೇಶ್ ಹಂಡಿ, ೯ನೇ ತರಗತಿ ತೃತೀಯ – ರಾಧಿಕಾ ಅಂಗಡಿ ೧೦ನೇ ತರಗತಿ ಬಹುಮಾನವನ್ನು ರೀಚ್ ಸಂಸ್ಥೆಯ ಮೂಲಕ ಶಾಲಾ ಮುಖ್ಯೋಪಾಧ್ಯಾಯರಿಂದ ಮಕ್ಕಳಿಗೆ ವಿತರಿಸಲಾಯಿತು.

ರೀಚ್ ಸಂಸ್ಥೆಯ ಸಿಬ್ಬಂದಿಯಾದ ರೇಖಾ ಬಡಿಗೇರ್ ಅವರು ಬಾಲ್ಯವಿವಾಹ ನಿಷೇಧ ದಿನಾಚರಣೆಯ ಬಗ್ಗೆ ಮಕ್ಕಳಿಗೆ ಸವಿಸ್ತಾರವಾಗಿ ತಿಳಿಸಿಕೊಟ್ಟರು ಹಾಗೂ ಮಕ್ಕಳ ಸಹಾಯವಾಣಿ – ೧೦೯೮ರ ಬಗ್ಗೆ ತಿಳಿಸಿಕೊಟ್ಟರು. ನಂತರ ಶಾಲಾ ಮುಖ್ಯೋಪಾಧ್ಯಾಯರು ಬಾಲ್ಯವಿವಾಹ ನಿಷೇಧ ಕಾಯ್ದೆ ಬಗ್ಗೆ ವಿವರಿಸಿದರು. ಶ್ರೀ ಬಸವರಾಜ್ ಚಳಗೇರಿ ಅವರು ವಂದನಾರ್ಪಣೆಯನ್ನು ತಿಳಿಸಿದರು.

ಈ ಕಾರ್ಯಕ್ರಮದಲ್ಲಿ ಅಧ್ಯಕ್ಷ ಸ್ಥಾನವನ್ನು ದೊಡ್ಡಬಸಪ್ಪ ಮುಖ್ಯಗುರುಗಳು, ಐಹೊಳೆ ಪ್ರೌಢಶಾಲೆ ಮತ್ತು ಅತಿಥಿಗಳಾಗಿ ಪ್ರಾಥಮಿಕ ಶಾಲೆಯ ಮುಖ್ಯಗುರುಗಳು ಮುತ್ತಪ್ಪ ಪಟೇದ, ಅಂಗನವಾಡಿ ಕಾರ್ಯಕರ್ತೆಯರು ಆಶಾ ಕಾರ್ಯಕರ್ತೆಯರು, ಸ್ನೇಹ ಮಜ್ಜಿಗಿ, ವಿನುತ ಬಡಿಗೇರ, ಶಾಲಾ ಮಕ್ಕಳು ಹಾಗೂ ರೀಚ್ ಸಿಬ್ಬಂದಿಗಳು ವೇದಿಕೆ ಉಪಸ್ಥಿತರಿದ್ದರು.