ವಾರ್ಡ್ ಸಭೆಯಲ್ಲಿ ಗ್ರಾಪಂಗೆ ಸಮಸ್ಯೆ ಪರಿಹರಿಸಲು ಒತ್ತಾಯ

ರಾಜ್ಯ ಸುದ್ದಿಗಳು 

ದೇವನಹಳ್ಳಿ

ತಾಲೂಕಿನ ಕುಂದಾಣ ಗ್ರಾಪಂ ವ್ಯಾಪ್ತಿಯ ವೆಂಕಟಾಪುರ, ಲಿಂಗಧೀರಗೊಲ್ಲಹಳ್ಳಿ, ಸೂಲಕುಂಟೆ, ಬಚ್ಚಹಳ್ಳಿ, ದ್ಯಾವರಹಳ್ಳಿ ಗ್ರಾಮಗಳಲ್ಲಿ ಗ್ರಾಪಂ ವತಿಯಿಂದ ವಾರ್ಡ್ ಸಭೆ ಹಮ್ಮಿಕೊಳ್ಳಲಾಗಿತ್ತು. ವಾರ್ಡ್ ಸಭೆಯಲ್ಲಿ ಗ್ರಾಮಸ್ಥರು ತಮ್ಮ ಗ್ರಾಮದಲ್ಲಿನ ಸಮಸ್ಯೆಗಳನ್ನು ಪರಿಹರಿಸಿಕೊಡುವಂತೆ ಗ್ರಾಪಂಗೆ ಒತ್ತಾಯ ಮಾಡಿದರು.

ಸಭೆಯಚರ್ಚೆ

 ಮನೆಸಾಲ, ನಿವೇಶನಕ್ಕಾಗಿ ಜಾಗ, ಚರಂಡಿ ಕೆಲಸ, ಕುಡಿಯುವ ನೀರು, ಇತರೆ ವಿಷಯಗಳ ಬಗ್ಗೆ ಸುದೀರ್ಘ ಚರ್ಚೆ ನಡೆಸಿದರು. ಪ್ರತಿ ಹಳ್ಳಿಯಲ್ಲಿನ ಸಮಸ್ಯೆಗಳನ್ನು ಗ್ರಾಪಂ ಸಿಬ್ಬಂದಿ ಪಟ್ಟಿ ಮಾಡಿಕೊಂಡರು. ನಂತರ ಗ್ರಾಪಂಯಲ್ಲಿ ಸರ್ವ ಸದಸ್ಯರ ಸಭೆಯಲ್ಲಿ ಚರ್ಚಿಸಿ, ಗ್ರಾಮ ಸಭೆಯಲ್ಲಿ ಈ ಬಗ್ಗೆ ವಿಷಯ ಪ್ರಸ್ತಪ ಮಾಡಲಾಗುತ್ತದೆ. ಉಳಿದ ಗ್ರಾಮಗಳಾದ ದೊಡ್ಡಚೀಮನಹಳ್ಳಿ, ನೆರಗನಹಳ್ಳಿ, ಪೆದ್ದನಹಳ್ಳಿ ಮತ್ತು ಅರಸನಹಳ್ಳಿ ಗ್ರಾಮಗಳಲ್ಲಿ ವಾರ್ಡ್ ಸಭೆಯನ್ನು ನಡೆಸಲಾಗುತ್ತದೆ ಎಂದು ಗ್ರಾಪಂ ಅಧ್ಯಕ್ಷ ವಿ.ನಾರಾಯಣಸ್ವಾಮಿ ಸಭೆಯ ಗಮನಕ್ಕೆ ತಂದರು.

ಈ ವೇಳೆ ಗ್ರಾಪಂ ಉಪಾಧ್ಯಕ್ಷೆ ವೀಣಾರಾಣಿನವೀನ್‌ಕುಮಾರ್, ಪಿಡಿಒ ಚೈತ್ರಾ, ಕಾರ್ಯದರ್ಶಿ ಅರುಣಾಗೋಪಿ, ಕರವಸೂಲಿಗಾರ ಶಾಂತಕುಮಾರ್, ಸದಸ್ಯರಾದ ವರಮಹಾಲಕ್ಷ್ಮೀ, ವೆಂಕಟರಮಣಸ್ವಾಮಿ, ಮುನಿಯಪ್ಪ, ವೀಣಾರಾಣಿ ಸೇರಿದಂತೆ ಗ್ರಾಮಸ್ಥರು ಇದ್ದರು.