ಭಟ್ಕಳ್ ನಗರ ಪೊಲೀಸರಿಂದ ರೈಲ್ವೇ ಸ್ಟೇಷನ್ ಹತ್ತಿರ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರ ಬಂಧನ

ಜಿಲ್ಲಾ ಸುದ್ದಿಗಳು 

ಭಟ್ಕಳ

ತಾಲೂಕಿನ ರೈಲ್ವೆ ಸ್ಟೇಷನ್ ಕ್ರಾಸ್ ಹತ್ತಿರ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಜಿಲ್ಲಾ ಅಪರಾಧ ಪತ್ತೆ ದಳವು ಬಂಧಿಸಿದ ಘಟನೆ ಮಂಗಳವಾರ ನಡೆದಿದೆ.ತಾಲೂಕಿನ ಪುರವರ್ಗ ಗಣೇಶನಗರ ನಿವಾಸಿ ಅಬ್ದುಲ ರಷೀದ ಹಜರತಸಾಬ ಶಿರಗೋಡ (೩೨) ಹಾಗೂ ಹೆಬಳೆ ಗಾಂಧಿನಗರದ ನಿವಾಸಿಯಾದ ಮಹಮ್ಮದ್ ಇರ್ಷಾದ ಹಸನಸಾಬ (೩೧) ಬಂಧಿತ ಆರೋಪಿಗಳು.

ಈ ಇಬ್ಬರು ಭಟ್ಕಳ ರೈಲ್ವೆ ಸ್ಟೇಷನ್ ಕ್ರಾಸ್ ಹತ್ತಿರ ಗಾಂಜಾ ಮಾರಾಟ ಮಾಡುತ್ತಿರುವ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಜಿಲ್ಲಾ ಸಿ.ಇ.ಎನ್ ಅಪರಾಧ ಪೊಲೀಸ ಠಾಣಾ ಇನ್ಸ್ ಪೆಕ್ಟರ್ ನಿತ್ಯಾನಂದ ಪಂಡಿತ್ನೇತೃತ್ವದ ತಂಡವು ಇಬ್ಬರು ಆರೋಪಿಗಳನ್ನು ಬಂಧಿಸಿದೆ. ಅವರ ಬಳಿ ದೊರೆತ ೫೬೦ಗ್ರಾ ಗಾಂಜಾವನ್ನು ವಶಕ್ಕೆ ಪಡೆಯಲಾಗಿದೆ.

ಈ ಕಾರ್ಯಾಚರಣೆಯಲ್ಲಿ ಭಟ್ಕಳ ನಗರ ಠಾಣೆ ಪಿಎಸ್ ಐ ಕೂಡಗುಂಟಿ,ಸಿ.ಇ.ಎನ್ ಅಪರಾಧ ಪೊಲೀಸ ಠಾಣೆಯ ಪೊಲೀಸ ಸಿಬ್ಬಂದಿಯಾದ ನಾಗರಾಜ ನಾಯ್ಕ,ಸುದರ್ಶನ ನಾಯ್ಕ,ಮಂಜುನಾಥ ಹೆಗಡೆ,ಹನುಮಂತ್,ಚAದ್ರು ಪಾಟೀಲ್.ಉಮೇಶ್ ನಾಯ್ಕ್ ,ಪಾಲ್ಗೊಂಡಿದ್ದರು