ಮುನಿಸಿಕೊಂಡ ಸಚಿವ ಆನಂದ ಸಿಂಗ್, ರಾಜುಗೌಡ ಹೆಲಿಕಾಪ್ಟರ್ ಮೂಲಕ ಬೆಂಗಳೂರಿಗೆ ಪಯಾನ…!!! ಆನಂದ ಸಿಂಗ್ ರಾಜೀನಾಮೆ…?

ರಾಜ್ಯ ಸುದ್ದಿಗಳು

ಯಾದಗಿರಿ: 

ರಾಜ್ಯ ರಾಜಕೀಯದಲ್ಲಿ ಅಲ್ಲೋಲ ಕಲ್ಲೋಲ ದಿಢೀರನೆ ಹೆಲಿಕಾಪ್ಟರ್ ಹತ್ತಿ ಹೊರಟ ರಾಜೂಗೌಡ.

ಹೌದು ಬಿಜೆಪಿ ಸರ್ಕಾರದ ರಾಜ್ಯ ರಾಜಕೀಯದಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಯಾಗಿದ್ದು ದಿನಕ್ಕೊಂದು ಟ್ವಿಸ್ಟ್ ಪಡೆಯುತ್ತಿದೆ, ಸಚಿವ ಸ್ಥಾನ ವಂಚಿತ ಅತೃಪ್ತ ಶಾಸಕರು ಒಂದೆಡೆಯಾದರೆ ಸಚಿವ ಸ್ಥಾನ ದೊರೆತ ಸಚಿವರೊಂದಿಗೆ ನೂತನ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಯವರ ಸಂಪುಟದಲ್ಲಿ ಹಗ್ಗ ಜಗ್ಗಾಟ ಶುರುವಾಗಿದೆ.

ತಮಗೆ ಇಷ್ಟವಾದ ಖಾತೆ ನೀಡಲಿಲ್ಲ ಎಂದು ಖಾತೆ ಹಂಚಿಕೆಯಿಂದ ಮುನಿಸಿಕೊಂಡಿದ್ದ ವಿಜಯನಗರ ಶಾಸಕ ಹಾಗೂ ಪ್ರವಾಸೋದ್ಯಮ ಇಲಾಖೆಯ ಸಚಿವರಾದ ಆನಂದ್ ಸಿಂಗ್ ರವರು ಇಂದು ತಮ್ಮ ಶಾಸಕ ಹಾಗೂ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡುತ್ತಿರುವ ಸುದ್ದಿ ಮಾಧ್ಯಮಗಳಲ್ಲಿ ವರದಿಯಾಗುತ್ತಿದ್ದಂತೆ ಮುನಿಸಿಕೊಂಡಿದ್ದ ಸಚಿವರ ಮನವೊಲಿಸುವ ಪ್ರಯತ್ನದಲ್ಲಿ ಸರ್ಕಾರ ಆನಂದ್ ಸಿಂಗ್ ರವರನ್ನು ಬೆಂಗಳೂರಿಗೆ ಕರೆತರಲು ಹೆಲಿಕಾಪ್ಟರ್ ವೊಂದನ್ನು ರೆಡಿ ಮಾಡಿ ಸುರಪುರಕ್ಕೆ ಕಳಿಸಿ ಕೊಟ್ಟಿದೆ ಸುರಪುರದಿಂದ ಶಾಸಕ ರಾಜುಗೌಡರನ್ನೂ ಕೂಡ ಕರೆದುಕೊಂಡು ಹೋಗಲಾಗಿದೆ. ಬೆಳಿಗ್ಗೆಯಿಂದ ತಾಲ್ಲೂಕಿನ ವಿವಿಧ ಗ್ರಾಮಗಳಲ್ಲಿ ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ ನೀಡಿ ಶಂಕುಸ್ಥಾಪನೆ ನೆರವೇರಿಸಿದ ರಾಜೂಗೌಡರು ಬೆಂಗಳೂರಿನಿಂದ ಕರೆ ಬಂದ ಕೂಡಲೇ ಸನ್ನದ್ಧರಾಗಿ ಸುರಪುರ ನಗರದ ಟೈಲರ್ ಮಂಜಿಲ್ ನಿಂದ ಹೆಲಿಕ್ಯಾಪ್ಟರ್ ಮೂಲಕ ಬೆಂಗಳೂರಿಗೆ ಪ್ರಯಾಣ ಬೆಳೆಸಿದರು. ಸುರಪುರದಿಂದ ಹೊರಟ ಹೆಲಿಕಾಪ್ಟರ್ ಬಳ್ಳಾರಿಯ ಜಿಂದಾಲ್ ನಿಂದ ಸಚಿವ ಆನಂದ ಸಿಂಗ್ ರವರನ್ನು ಕರೆದುಕೊಂಡು ಬೆಂಗಳೂರಿಗೆ ಪ್ರಯಾಣ ಬೆಳೆಸಿದೆ. 

ಈ ಸಂದರ್ಭದಲ್ಲಿ ಶಾಸಕ ನರಸಿಂಹನಾಯಕ ರಾಜೂಗೌಡರ ಅಪಾರ ಅಭಿಮಾನಿಗಳು ಕಾರ್ಯಕರ್ತರು ಇದ್ದರು.