ಕರೋನಾ ಸೇನಾನಿಗಳಿಗೆ ಎಸ್. ಆರ್. ನವಲಿಹಿರೇಮಠರಿಂದ ಆಹಾರ ಕಿಟ್ ವಿತರಣೆ

ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ:ಗುಡೂರ ಸಮೀಪದ ಚಿಕನಾಳ ಗ್ರಾಮದಲ್ಲಿ ಕೊರೊನಾ ಮಹಾ ಮಾರಿಯ ವಿರುದ್ಧ ಹೋರಾಡಿ ಸೇವೆ ಸಲ್ಲಿಸಿದ ಕೊರೊನಾ ಸೇನಾನಿಗಳಿಗೆ ಮಾರುತೇಶ್ವರ ದೇವಾಲಯದ ಆವರಣದಲ್ಲಿ ಎಸ್ ಆರ್ ಎನ್ ಪೌಂಡೇಶನ್ ಹಮ್ಮಿಕೊಂಡಿದ್ದ ಸನ್ಮಾನ ಕಾರ್ಯಕ್ರಮದಲ್ಲಿ ದಿನಸಿ ಕಿಟ್ ವಿತರಿಸಲಾಯಿತು.

ಪೌಂಡೇಶನ್ ಅಧ್ಯಕ್ಷ ಎಸ್ ಆರ್ ನವಲಿಹಿರೇಮಠ ಗ್ರಾಮದ ಆರೋಗ್ಯ ಕೇಂದ್ರದ ಸಿಬ್ಬಂದಿ, ಗ್ರಾಮ ಪಂ ಸಿಬ್ಬಂದಿ, ಆಶಾ ಕಾರ್ಯಕರ್ತರಿಗೆ ಸನ್ಮಾನ ಮಾಡಿ ಕಿಟ್ ವಿತರಿಸಿ ಮಾತನಾಡಿ ಪ್ರತಿಯೊಬ್ಬರೂ ಎಚ್ಚರಿಕೆ ವಹಿಸಿ ಆರೋಗ್ಯ ಕಾಪಾಡಿಕೊಳ್ಳಬೇಕು ಎಂದು ವಿನಂತಿಸಿಕೊಂಡರು.

ಈ ಸಂದರ್ಭದಲ್ಲಿ ಡಾ.ಮಮತಾ ಬಿ, ಗ್ರಾ ಪಂ ಉಪಾಧ್ಯಕ್ಷ ಸಂಗಪ್ಪ ಭಜಂತ್ರಿ, ಸದಸ್ಯರಾದ ಷಣ್ಮುಖಪ್ಪ ಮೋಕಾಸಿ, ನಾಗರಾಜ ತಿಪ್ಪಣ್ಣವರ, ಶಶಿಕುಮಾರ ಹಲಪೇಟೆ, ರಫೀಕ್ ಇಟಗಿ ಉಪಸ್ಥಿತರಿದ್ದರು.