ನೂತನ ಕನ್ನಡ ಚಲನಚಿತ್ರ ಹೆಬ್ಬುಲಿ ಕಟ್ ಸಿನಿಮಾದ ಟೈಟಲ್ ಟೀಸರ್ ಅನ್ನು 1 ಲಕ್ಷ 50 ಸಾವಿರಕ್ಕೂ ಅಧಿಕ ಜನರು ವೀಕ್ಷಿಸಿದ್ದಾರೆ. ಅಭಿನಯ ಚಕ್ರವರ್ತಿ, ನಟ ಕಿಚ್ಚ ಸುದೀಪ್ ಅಭಿನಯದ ಹೆಬ್ಬುಲಿ ಸಿನಿಮಾದ ಹೇರ್ ಕಟ್ ಅನ್ನು ಸಿನಿಮಾದ ಶಿರ್ಶೀಕೆ ಮಾಡಿಲಾಗಿದೆ.
ಇದೇ ಸೆಪ್ಟೆಂಬರ್ 7ರ ಗಣೇಶ ಚತುರ್ಥಿ ಹಬ್ಬದಂದು ಸಾರಾ ಫಿಲ್ಮ್ಸ್ ಯೂಟ್ಯೂಬ್ ಚಾನಲ್‌ನಲ್ಲಿ ಹೆಬ್ಬುಲಿ ಕಟ್ ಸಿನಿಮಾದ ಟೈಟಲ್ ಟೀಸರ್ ಅನಾವರಣಗೊಳಿಲಾಗಿತ್ತು.
ಟೈಟಲ್ ಟೀಸರ್ ಬಿಡುಗಡೆಯಾದ ಕೇವಲ 12 ದಿನಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಇದುವರೆಗೆ 1 ಲಕ್ಷ 50 ಸಾವಿರಕ್ಕೂ ಹೆಚ್ಚು ಜನರು ವೀಕ್ಷಣೆ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಟೈಟಲ್ ಅನಾವರಣದ ಮುಂಚೆಯೇ ಹೆಬ್ಬುಲಿ ಕಟ್ ಚಿತ್ರ ತಂಡದ ಪ್ರಚಾರ ಎಲ್ಲರ ಗಮನ ಸೆಳೆದಿತ್ತು. ವಿಭಿನ್ನ ಮತ್ತು ಕ್ರಿಯೇಟಿವ್ ಪೋಸ್ಟರ್ ಗಳ ಮೂಲಕ ಹೆಬ್ಬುಲಿ ಕಟ್ ಸಿನಿಮಾ ತೀವ್ರ ಕೌತುಕ, ಕುತೂಹಲ ಉಂಟುಮಾಡಿದೆ.
ಹೆಬ್ಬುಲಿ ಕಟ್ ಸಿನಿಮಾಕ್ಕೆ ಭೀಮರಾವ್ ನಿರ್ದೇಶನ ಮಾಡಿದ್ದಾರೆ. ಛಾಯಾಗ್ರಹಣ ದೀಪಕ್ ಯಾರಗೇರಾ, ಡೇರ್ ಡೇವಿಲ್ ಮುಸ್ತಫಾ ಮತ್ತು ನಟ ರಾಕ್ಷಸ ಡಾಲಿ ಧನಂಜಯ ಅವರ ಜಿಂಗೋ ಸಿನಿಮಾಕ್ಕೆ ಮ್ಯೂಸಿಕ್ ನೀಡಿರುವ ನವನೀತ್ ಶ್ಯಾಮ ಹೆಬ್ಬುಲಿ ಕಟ್ ಗೆ ಸಂಗೀತ ನೀಡಿದ್ದಾರೆ. ಡೇರ್ ಡೇವಿಲ್ ಮುಸ್ತಫಾ ಸಿನಿಮಾಗೆ ಚಿತ್ರಕಥೆ ಮತ್ತು ಸಂಭಾಷಣೆ ಬರೆದಿರುವ ಅನಂತ್ ಶ್ರಾಂದೇಯ ಹೆಬ್ಬುಲಿ ಕಟ್ ಸಿನಿಮಾದ ಚಿತ್ರಕಥೆ ಬರೆದಿದ್ದಾರೆ. ಮೌನೇಶ್ ನಟರಂಗ್, ಅನನ್ಯ ನಿಹಾರಿಕಾ, ನಟ ಮಹಾದೇವ ಹಡಪದ, ಮಹಾಂತೇಶ್ ಹಿರೇಮಠ, ತೆಲುಗಿನ ವಿನಯ್ ಮಹಾದೇವನ್, ಉಮಾ ವೈ.ಜಿ, ಡಿಂಗ್ರಿ ನರೇಶ್, ಮಹಾಂತೇಶ್ ಯರಮರಸ್, ಲಕ್ಷ್ಮಣ್ ಮಂಡಲಾಗೇರಾ ಸೇರಿದಂತೆ ಸ್ಥಳೀಯ ಕಲಾವಿದರು ಅಭಿನಯಿಸಿದ್ದಾರೆ.
ಹೆಬ್ಬುಲಿ ಕಟ್ ಸಿನಿಮಾದ ಟೈಟಲ್ ಟೀಸರ್ ವೀಕ್ಷಿಸಲು ಈ ಲಿಂಕ್ ಬಳಸಿ: https://www.youtube.com/@SaaraFilms.
Be the first to comment