ಜಿಲ್ಲೆಯಲ್ಲಿ 15 ಮೀ.ಮೀ ಮಳೆ : ಬಾಗಶಃ ಮನೆಗಳು ಹಾನಿ

ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ:ಜಿಲ್ಲೆಯಲ್ಲಿ ಮೇ 17 ರಿಂದ 19 ವರಗೆ 15.07 ಮೀ.ಮೀ ಮಳೆಯಾಗಿದ್ದು,1 ಪೂರ್ಣ ಹಾಗೂ 114 ಮನೆಗಳು ಬಾಗಶಃ ಹಾನಿಗೊಳಗಾಗಿವೆ ಎಂದು ಜಿಲ್ಲಾಧಿಕಾರಿ ಟಿ.ಬೂಬಾಲನ್ ತಿಳಿಸಿದ್ದಾರೆ.

ಮೇ 17 ರಂದು 15 ಮೀ.ಮೀ ಮಳೆಯಾಗಿದ್ದು, ಅಂದು ರಬಕವಿ-ಬನಹಟ್ಟಿ ತಾಲೂಕಿನ ಮಹಾಲಿಂಗಪೂರದ ಗಿರಿಮಲ್ಲಪ್ಪ ಭೀಮಪ್ಪ ಅಗಸನಾಳ (48) ಸಿಡಿಲು ಬಡಿದು ಮೃತಪಟ್ಟಿರುತ್ತಾರೆ. 14 ಮನೆಗಳು ಸಹ ಬಾಗಶಃ ಹಾನಿಗೊಳಗಾದರೆ, 18 ರಂದು ಸುರಿದ ಮಳೆಯಿಂದಾಗ 24 ಮನೆಗಳು ಬಾಗಶಃ ಹಾನಿಗೊಳಗಾಗಿರುತ್ತವೆ. 19 ರಂದು ಸುರಿದ ಮಳೆಯಿಂದ 1 ಪೂರ್ಣ ಹಾಗೂ 76 ಮನೆಗಳು ಬಾಗಶಃ ಹಾನಿಗೊಳಗಾಗಿದ್ದು, 2.4 ಹೆಕ್ಟೆರ್ ತೋಟಗಾರಿಕೆ ಬೆಳೆ ಹಾನಿಯಾಗಿರುವುದಾಗಿ ವರದಿಯಾಗಿದೆ ಎಂದು ಜಿಲ್ಲಾಧಿಕಾರಿಗಳು ತಿಳಿಸಿದ್ದಾರೆ.