ಭಟ್ಕಳ್:
ಭಟ್ಕಳ ಮಾಧ್ಯಮ ಬಳಗ ಇವರ ವತಿಯಿಂದ ಭಟ್ಕಳ ತಾಲೂಕ ಸರ್ಕಾರಿ ನೌಕರರು ಹಾಗೂ ಪತ್ರಕರ್ತರಿಗೆ ಭಟ್ಕಳದ ತಾಲೂಕ ಕ್ರೀಡಾಂಗಣದಲ್ಲಿ ಮಾರ್ಚ್ 26 ಮತ್ತು 27 ರಂದು 2 ದಿನಗಳ ಆಯೋಜಿಸಿರುವ ಭಟ್ಕಳ್ ಮಾಧ್ಯಮ ಕಪ್ 2022 ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಫೈನಲ್ ಪಂದ್ಯದಲ್ಲಿ ಭಟ್ಕಳದ ಅಗ್ನಿಶಾಮಕ ಠಾಣೆ ಕ್ರಿಕೆಟ್ ತಂಡವು ಭಟ್ಕಳದ ಹೆಸ್ಕಾಂ ತಂಡವನ್ನು 5 ರನ್ನುಗಳಿಂದ ಸೋಲಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿ ಭಟ್ಕಳದ ಮಾಧ್ಯಮ ಕಪ್ 2022 ರ ಟ್ರೋಪಿಯನ್ನು ಮುಡಿಗೇರಿಸಿಕೊಂಡಿತು.
ಭಟ್ಕಳದ ಹೆಸ್ಕಾಂ ಇಲಾಖೆಯ ಕ್ರಿಕೆಟ್ ತಂಡ ರನ್ನರ್ ಅಪ್ ಪ್ರಶಸ್ತಿ ಪಡೆದುಕೊಂಡಿತು. ಭಟ್ಕಳದ ವಿವಿಧ ಸರಕಾರಿ ಇಲಾಖೆಯ 11 ತಂಡಗಳು ಮತ್ತು ಭಟ್ಕಳದ ಮಧ್ಯಮ ಕ್ರಿಕೆಟ್ ತಂಡ ಪಂದ್ಯಾವಳಿಯಲ್ಲಿ ಭಾಗವಹಿಸಿದವು.
ಬಹುಮಾನ ವಿತರಣಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಭಟ್ಕಳ್ ರಂಜನ್ ಇಂಧನ ಗ್ಯಾಸ್ ಏಜೆನ್ಸಿ ಮಾಲಕರಾದ ಶ್ರೀಮತಿ ಶಿವಾನಿ ಶಾಂತರಾಂ ಮಾತನಾಡಿ ಇಂದಿನ ದಿನಗಳಲ್ಲಿ ಒತ್ತಡ ನಡುವೆ ಕೆಲಸ ಮಾಡುತ್ತಿರುವ ಸರ್ಕಾರಿ ನೌಕರರಿಗೆ ಕ್ರೀಡಾ ಟೂರ್ನಿಯನ್ನು ಭಟ್ಕಳ ಮಾಧ್ಯಮ ಬಳಗದವರು ಸೇರಿ ಆಯೋಜನೆ ಮಾಡಿರುವುದು ಸಂತೋಷದ ಸಂಗತಿ , ಮುಂದಿನ ದಿನಗಳಲ್ಲಿ ಇನ್ನು ಹೆಚ್ಚಿನ ಪ್ರಮಾಣದಲ್ಲಿ ಇಂತಹ ಹೆಚ್ಚಿನ ಕ್ರೀಡಾ ಚಟುವಟಿಕೆಗಳು ನಡೆಯಲ್ಲಿ ಎಂದು ಹಾರೈಸಿದರು.
ಕರ್ನಾಟಕ ಜರ್ನಲಿಸ್ಟ್ ಯೂನಿಯನ್ ಜಿಲ್ಲಾಧ್ಯಕ್ಷ ಮನಮೋಹನ್ ನಾಯ್ಕ ಅಧ್ಯಕ್ಷತೆ ವಹಿಸಿದರು. ಭಟ್ಕಳದ ಜೆ.ಡಿ.ಎಸ್ ಮುಖಂಡ ಇನಾಯತುಲ್ಲ ಶಾಬಂದ್ರಿ ಬಹುಮಾನ ವಿತರಣಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು. ವೇದಿಕೆಯಲ್ಲಿ ಭಟ್ಕಳ್ ಸಾಹಿಲ್ ಓನಲೈನ ಸಂಪಾದಕ ಇನಾಯಿತುಲ್ಲಾ ಗವಾಯಿ , ಕರಾವಳಿ ನ್ಯೂಸ್ ನ ನಸಿಮುಲ್ಲ ಘನಿ , ಭಟ್ಕಳ್ ತಾಲೂಕ ಮಾಜಿ ಸೈನಿಕರ ಸಂಘದ ತಾಲೂಕ ಪ್ರಧಾನ ಕಾರ್ಯದರ್ಶಿ ಶ್ರೀಕಾಂತ್ ನಾಯ್ಕ್ ಮುಂತಾದವರು ಉಪಸ್ಥಿತರಿದ್ದರು.
Be the first to comment