ಸಂಭ್ರಮದೊಂದಿಗೆ `ದಿ ನ್ಯೂ ಏಜ್ ಬಲೆನೊ’ ಕಾರಿನ ಕೀ ವಿತರಿಸಿದ ಶಾಸಕ ಎಸ್.ಆರ್. ವಿಶ್ವನಾಥ್

 ರಾಜ್ಯ ಸುದ್ದಿಗಳು 

ಬೆಂಗಳೂರು 

ಬೆಂಗಳೂರು, ಫೆ. 26-ಹೊಸ ವಿನ್ಯಾಸ, ಹೆಚ್ಚುವರಿ ಫೀಚರ್ಸ್‍ನೊಂದಿಗೆ ಮಾರುತಿ ಸುಜುಕಿ ಕಂಪನಿಯವರು ಪರಿಚಯಿಸಿರುವ `ದಿ ನ್ಯೂ ಏಜ್ ಬಲೆನೊ’ ನೂತನ ಕಾರಿನ ಕೀಯನ್ನು ಯಲಹಂಕ ಕ್ಷೇತ್ರದ ಶಾಸಕರು, ಬಿಡಿಎ ಅಧ್ಯಕ್ಷರೂ, ಟಿಟಿಡಿ ಸದಸ್ಯರೂ ಆದ ಎಸ್.ಆರ್. ವಿಶ್ವನಾಥ್ ಅತ್ಯಂತ ಸಂಭ್ರಮದಿಂದ ಗ್ರಾಹಕರಿಗೆ ವಿತರಿಸಿದರು.

ಭಾರತದ ನಂ.1 ಮಾರುತಿ ಸುಜುಕಿ ನೆಕ್ಸಾ ಕಾರ್ ಡೀಲರ್ ವರುಣ್ ಮೋಟಾರ್ಸ್ ಪ್ರೈವೇಟ್ ಲಿಮಿಟೆಡ್‍ನವರು ಬೆಂಗಳೂರಿನ ನಾಗವಾರ ಗ್ರಾಮ ಕಸಬಾ ಹೋಬಳಿಯಲ್ಲಿರುವ ವರುಣ್ ನೆಕ್ಸಾ ಶೋರೂಮ್‍ನಿಂದ ದಿ ನ್ಯೂ ಏಜ್ ಬಲೆನೊವನ್ನು ಬುಧವಾರ ಅನಾವರಣಗೊಳಿಸಲಾಯಿತು. ಹೊಸದಾಗಿ ಬಿಡುಗಡೆ ಮಾಡಲಾದ ಕಾರಿನ ಮೊದಲ ಖರೀದಿಯ ಕೀಯನ್ನು ಎಸ್.ಆರ್. ವಿಶ್ವನಾಥ್ ಅವರು ಗ್ರಾಹಕರೊಬ್ಬರಿಗೆ ವಿತರಿಸುವ ಮೂಲಕ ಶುಭ ಹಾರೈಸಿದರು.

ಈ ವೇಳೆ ನಿರ್ದೇಶಕ ಡಿ.ಕೆ. ರಾಜು, ಬೆಂಗಳೂರು ಗ್ರೂಪ್‍ನ ಸಿಇಒ ಕಲೀಮ್ ಶೇಕ್, ವರುಣ್ ನೆಕ್ಸಾ ಚಾನೆಲ್‍ನ ಸಿಇಒ ಸೆಸಿಲ್ ಎಸ್., ಮತ್ತು ವರುಣ್ ಬೆಂಗಳೂರು ಗ್ರೂಪ್‍ನ ಸಿಜಿಎಂ ಸಿ. ಅನಿಲ್, ಮಾರಾಟ ವಿಭಾಗದ ಪ್ರಧಾನ ವ್ಯವಸ್ಥಾಪಕರಾದ ವೇಣು ಎಂ. ಗೌಡ, ವರುಣ್ ಮೋಟಾರ್ಸ್-ನೆಕ್ಸಾದ ಮಾರಾಟ ವ್ಯವಸ್ಥಾಪಕ ಎಚ್.ಎನ್. ಹೇಮಂತ್ ಕುಮಾರ್ ಮತ್ತಿತರ ಸಿಬ್ಬಂದಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.