ಮುಸ್ಲಿಂ ಬಾಂದವರಿಂದ ಗಣರಾಜ್ಯೋತ್ಸವ ದಿನ ಸಂಭ್ರಮಾಚರಣೆ

ರಾಜ್ಯ ಸುದ್ದಿಗಳು 

ದೇವನಹಳ್ಳಿ

ದೇವನಹಳ್ಳಿ ಪಟ್ಟಣದ ಹಳೇ ಮಸೀದಿ ರಸ್ತೆಯಲ್ಲಿರುವ ಜಾಮೀಯ ಮಸೀದಿ (ಅಹಲೇ ಹದೀಸ್) ಆವರಣದಲ್ಲಿ ೭೩ನೇ ಗಣರಾಜ್ಯೋತ್ಸವ ದಿನಾಚರಣೆ ಅಂಗವಾಗಿ ಮುಸ್ಲಿಂ ಸಮುದಾಯದ ಮುಖಂಡರು ರಾಷ್ಟ್ರೀಯ ಧ್ವಜಾರೋಹಣ ನೆರವೇರಿಸಿದರು. ಜಾಮೀಯ ಮಸೀದಿಯ ಅಧ್ಯಕ್ಷ ಅಬ್ದುಲ್‌ಖುದ್ದೂಸ್‌ಪಾಷ ಮಾತನಾಡಿ, ಬ್ರಿಟೀಷರು ಈ ದೇಶವನ್ನು ಬಿಟ್ಟು ಹೋದಾಗ ನಾವೇ ಸ್ವಾತಂತ್ರವನ್ನು ಕೊಡುತ್ತೇವೆಂದು ಬ್ರಿಟಿಷರು ಕಾನೂನು ತಂದುಕೊಡುತ್ತೇವೆಂದು ಹೇಳಿದ ಸಂದರ್ಭದಲ್ಲಿ ಮಹಾತ್ಮ ಗಾಂಧಿಜಿಯವರು ನಮ್ಮ ದೇಶಕ್ಕೆ ನಾವೇ ಕಾನೂನು ರೂಪಿಸಿಕೊಳ್ಳುತ್ತೇವೆ ಎಂದು ಹೇಳಿದಾಗ ದೇಶದಲ್ಲಿ ಕರಡು ಸಮಿತಿಯನ್ನು ರಚನೆ ಮಾಡಿ, ಆ ಸಮಿತಿಯಲ್ಲಿ ಸದಸ್ಯರೆಲ್ಲರೂ ಸೇರಿ ಕಾನೂನಾತ್ಮಕವಾಗಿ ಡಾ.ಬಿ.ಆರ್.ಅಂಬೇಡ್ಕರ್‌ರವರು ನೇತೃತ್ವದಲ್ಲಿ ಸಂವಿಧಾನವನ್ನು ರಚಿಸಿದ್ದರು. ಅದನ್ನು ಈ ದಿನದಲ್ಲಿ ಜ.೨೬, ೧೯೫೦ರಲ್ಲಿ ಜಾರಿಗೆ ತಂದು ದೇಶದ ಜನರಿಗೆ ಸಮರ್ಪಣೆ ಮಾಡಿದ ದಿನವೇ ಗಣರಾಜ್ಯೋತ್ಸವ ದಿನವಾಗಿದೆ ಎಂದು ಹೇಳಿದರು. ಇದೇ ಸಂದರ್ಭದಲ್ಲಿ ಕರಾಟೆ ಮೌಲ ನೇತೃತ್ವದಲ್ಲಿ ನಡೆದ ಕರಾಟೆ ಮಕ್ಕಳಿಂದ ಕರಾಟೆ ಪ್ರದರ್ಶನ ಗಮನಸೆಳೆಯಿತು.   ಈ ವೇಳೆಯಲ್ಲಿ ದೇವನಹಳ್ಳಿ ಸಾಹಿತಿ ಬಿ.ಜಿ.ಗುರುಸಿದ್ದಯ್ಯ, ಸಾರ್ವಜನಿಕ ಸಂಪರ್ಕ ಕೇಂದ್ರದ ಅಧ್ಯಕ್ಷ ಸಹದೇಶ್, ಜಾಮೀಯ ಮಸೀದಿಯ ಪಂಡಿತ ಹಜರತ್ ಅಬ್ದುಲ್ ಜಬ್ಬಾರ್, ಮುಸ್ಲಿಂ ಮುಖಂಡರು, ಮಕ್ಕಳು ಹಾಗೂ ನಾಗರೀಕರು ಇದ್ದರು.