ರೈಲ್ವೆ ಸಿಬ್ಬಂದಿಗಳ ಸಮಯ ಪ್ರೆಜ್ಞೆ ಬದುಕುಳಿದ ತಾಯಿ: ತಬ್ಬಲಿಯಾಗದ ಮುದ್ದು ಮಕ್ಕಳು

ತಾಲೂಕಾ ಸುದ್ದಿಗಳು

ಸಾಗರ:ಈ ದಿನ ಮುಂಜಾನೆ ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕು ತಾಳಗುಪ್ಪ ರೈಲ್ವೆ ನಿಲ್ದಾಣಕ್ಕೆ ಮೈಸೂರು ದಿಂದ ತಾಳಗುಪ್ಪ ರೈಲು ಗಾಡಿ ಸಂಖ್ಯೆ 16227 ಬೆಳಿಗ್ಗೆ ಸುಮಾರು 07:00 ಗಂಟೆಗೆ ತಲುಪಿದ್ದು, 07:30 ರ ಹೊತ್ತಿಗೆ ರೈಲು ಬೋಗಿಯ ಬಾಗಿಲನ್ನು ಲಾಕ್ ಮಾಡಿಕೊಂಡ ಅಪರಿಚಿತ ಮಹಿಳೆ ತನ್ನ ಮಕ್ಕಳೊಂದಿಗೆ ಇದ್ದೂ, ರೈಲ್ವೆ ಬೋಗಿಯೊಳಗೆ ತನ್ನ ಚೂಡಿದಾರ್ ವೇಲ್ ಬಳಸಿ ನೇಣಿಗೆ ಶರಣಾಗುತ್ತಿರುವುದನ್ನು ಕಂಡ ರೈಲ್ವೆ ವಿಭಾಗ ಕರ್ತವ್ಯ ನಿರತ ಕ್ಲೀನಿಂಗ್ ಮತ್ತು ವಾಟರಿಂಗ್ ವಿಭಾಗದ ಶ್ರೀ ಕೆ.ರವಿ ಹಾಗೂ ತಾಂತ್ರಿಕ ಸಿಬ್ಬಂದಿ ಶ್ರೀ ಜಯಶೀಲಾ ರವರ ಸಮಯ ಪ್ರೆಜ್ಞೆಯಿಂದ ತಾಯಿಯನ್ನು ಸುರಕ್ಷಿತವಾಗಿ ರಕ್ಷಣೆ ಮಾಡಲಾಯಿತು.

ತಬ್ಬಲಿಯಾಗಲಿದ್ದ ಮಕ್ಕಳನ್ನು ರಕ್ಷಣೆ ಮಾಡಿದ್ದೂ ತಕ್ಷಣವೇ ರೈಲ್ವೆ ಪೊಲೀಸ್ ಅಧಿಕಾರಿಗಳಿಗೆ ತಾಯಿ ಮತ್ತು ಮಕ್ಕಳ್ಳನ್ನು ಕಳಿಸಿಕೊಟ್ಟಿರುವ ಮಾಹಿತಿ ದೊರೆತಿದೆ.ಸಮಯ ಪ್ರೆಜ್ಞೆ ಮೆರೆದ ರೈಲ್ವೆ ಸಿಬ್ಬಂದಿಗಳಿಗೆ ಅಂಬಿಕಾ ನ್ಯೂಸ್ ತಂಡ ಮೆಚ್ಚುಗೆ ವ್ಯಕ್ತಪಡಿಸಿತು.