ಶಿವಕಾಂತಕುಮಾರಗೆ ಕರ್ನಾಟಕ ವಿಶ್ವ ವಿದ್ಯಾಲಯದ ಡಾಕ್ಟರೇಟ್‌ ಪದವಿ

ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ: (ಕೆಲೂರ) ಇಳಕಲ್ಲ ತಾಲೂಕಿನ ಕೆಲೂರ ಗ್ರಾಮದ ಶರಣಪ್ಪ ಅಧಿಕಾರಿ ಮಾಜಿ ಸೈನಿಕ ಹಾಗೂ ರೈತನ ಪುತ್ರನಾದ ಶಿವಕಾಂತ ಕುಮಾರಗೆ ಕರ್ನಾಟಕ ವಿಶ್ವ ವಿದ್ಯಾಲಯ ಧಾರವಾಡ ಪಿಹೆಚ್.ಡಿ ಪದವಿ ನೀಡಿದೆ.

ಸರಳ ಸಜ್ಜನಿಕೆ ಸ್ವಭಾವದ ಸರಳ ವ್ಯಕ್ತಿತ್ವದ ರೈತ ಕುಟುಂಬದ ಹಿನ್ನೆಲೆಯುಳ್ಳ ಶಿವಕಾಂತಕುಮಾರ ಶರಣಪ್ಪ ಅಧಿಕಾರಿ ಕರ್ನಾಟಕ ವಿಶ್ವ ವಿದ್ಯಾಲಯದ ಜೈವಿಕ ತಂತ್ರಜ್ಞಾನ ಹಾಗೂ ಸೂಕ್ಷ್ಮ ಜೀವಿಶಾಸ್ತ್ರ ವಿಭಾಗದದಲ್ಲಿ ‘ ಮ್ಯಾಲಿಕ್ಯುಲರ್ ಆ್ಯಂಡ್ ಪ್ರೊಟಿಯೋಮಿಕ್ ಕ್ಯಾರಕ್ಟರೈಜೇಶನ್ಸ್ ಟು ಅಂಡರ್ ಸ್ಟ್ಯಾಂಡ್ ದಿ ಎವುಲೆಷನ್ ಆಫ್ ವಿರುಲೆನ್ಸ ಇನ್ ಫಲ್೯ ಮಿಲ್ಲೆಟ್ ಬ್ಲಾಸ್ಟ್ ಪ್ಯಾಥೋಜೆನ್ ಪಾಪ್ಯುಲೇಶನ್ ಫ್ರಾಮ್ ಇಂಡಿಯಾ’ ಎಂಬ ಪ್ರಬಂಧಕ್ಕೆ ಪಿಹೆಚ್.ಡಿ ನೀಡಿದೆ.

ಶಿವಕಾಂತಕುಮಾರ ಅವರಿಗೆ ಕವಿವಿ ಜೈವಿಕ ತಂತ್ರಜ್ಞಾನ ಮತ್ತು ಸೂಕ್ಷ್ಮ ಜೀವಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕರಾದ ಡಾ.ಸುಧೀಶ ಜೋಗಯ್ಯ ಮಾರ್ಗದರ್ಶಕರಾಗಿದ್ದರು.

ಈ ವಿಷಯ ಕೆಲೂರ ಗ್ರಾಮದವರಿಗೆಲ್ಲ ಹರ್ಷದಾಯಕವಾಗಿದ್ದು, ಮಲಯಶಾಂತಮುನಿ ದೇಶಿಕೇಂದ್ರ ಶಿವಾಚಾರ್ಯ ಮಹಾಸ್ವಾಮಿಗಳು ಶಿವಗಂಗಾ ಹಾಗೂ ಕೆಲೂರ ಕ್ಷೇತ್ರ ಇವರನ್ನೊಳಗೊಂಡು ಗ್ರಾಮದ ಎಲ್ಲ ಗುರು ಹಿರಿಯರು ಅಭಿನಂದನೆ ಸಲ್ಲಿಸಿದ್ದಾರೆ.