ಶರಾವತಿ ವೃತ್ತ ಸ್ವಚ್ಛಗೊಳಿಸಿದ ಪಟ್ಟಣ ಪಂಚಾಯತ್ ಸಿಬ್ಬಂದಿಗಳು

ಜಿಲ್ಲಾ ಸುದ್ದಿಗಳು 

ಹೊನ್ನಾವರ

ಹೊನ್ನಾವರ ಪಟ್ಟಣದ ಶರಾವತಿ ವೃತ್ತ ರಾಶಿ ರಾಶಿ ಕಸದ ಕೊಂಪೆಯಾಗಿ ಮಾರ್ಪಟ್ಟಿತ್ತು. ಪಟ್ಟಣ ಪಂಚಾಯತ್ ಸಿಬ್ಬಂದಿಗಳ ನಿರ್ಲಕ್ಷ್ಯತೆ ಬಗ್ಗೆ ವರದಿ ಪ್ರಕಟವಾಗುತ್ತಿದ್ದಂತೆ ಎಚ್ಚೆತ್ತುಕೊಂಡ ಪಟ್ಟಣ ಪಂಚಾಯತ್ ಅದೇ ದಿನವೇ ಸ್ವಚ್ಛತಾ ಕಾರ್ಯ ನಡೆಸಿದೆ.

ಶರಾವತಿ ವೃತ್ತದೊಳಗೆ ಕಸ ಹಾಗೂ ಮುಳ್ಳಿನ ಪೊದೆ ಬೆಳೆದಿತ್ತು, ಇದಲ್ಲದೇ ಬಟ್ಟೆಗಳು ನೇತಾಡುತ್ತಿರುವುದು ಕಂಡು ಬಂದಿತ್ತು ಈ ಬಗ್ಗೆ ಸಾರ್ವಜನಿಕರು ಅಸಮಾಧಾನ ವ್ಯಕ್ತಪಡಿಸಿದ್ದರು. ಪಟ್ಟಣ ಪಂಚಾಯತಿ ಮುಂಭಾಗದಲ್ಲಿ ಇದ್ದರೂ ಇದರ ಸ್ವಚ್ಛತೆ ಹಾಗೂ ಕಾರಂಜಿ ದುಸ್ತಿತಿಯ ಬಗ್ಗೆ ನಿರ್ಲಕ್ಷ್ಯ ತೋರಿತ್ತು. ಇದರ ಬಗ್ಗೆ ವರದಿ ಪ್ರಕಟವಾಗಿತ್ತು.

ತಕ್ಷಣ ದುರಸ್ತಿಗೆ ಬೆಳ್ಳಂಬೆಳಗ್ಗೆ ಸ್ವಚ್ಛ ಮಾಡುವ ಮೂಲಕ ಗಿಡದ ಕೊಂಪೆಯಾದ , ಕಸದ ರಾಶಿಯಿರುವ ಶರಾವತಿ ವೃತ್ತವನ್ನು ಸ್ವಚ್ಛ ಮಾಡಿದ್ದಾರೆ.ಈ ವರದಿ ಪ್ರಕಟವಾಗಿದ್ದು , ಪಟ್ಟಣ ಪಂಚಾಯತ್ ಸಿಬ್ಬಂದಿಗಳು ಸ್ವಚ್ಛತೆ ನಡೆಸಲು ಕಾರಣವಾಗಿದೆ ಎಂದು ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.