ಮುನೇಶ್ವರ ದೇಗುಲ ನಿರ್ಮಾಣಕ್ಕೆ ಸಹಾಯಹಸ್ತ

ರಾಜ್ಯ ಸುದ್ದಿಗಳು 

ದೇವನಹಳ್ಳಿ

ದೇವಾಲಯಗಳಿಂದ ಶಾಂತಿ, ನೆಮ್ಮದಿ ದೊರೆಯುತ್ತದೆ. ದೇವಾಲಯಗಳ ನಿರ್ಮಾಣಕ್ಕೆ ತಮ್ಮ ಕೈಲಾದ ಸಹಾಯವನ್ನು ಮಾಡಿದರೆ ಪುಣ್ಯ ಸಿಗುತ್ತದೆ ಎಂದು ಬ್ಲಾಕ್ ಕಾಂಗ್ರೆಸ್ ಉಪಾಧ್ಯಕ್ಷ ವಿ.ಶಾಂತಕುಮಾರ್ ತಿಳಿಸಿದರು.ದೇವನಹಳ್ಳಿತಾಲೂಕಿನ ಬೀರಸಂದ್ರ ಗ್ರಾಮದ ಮುನೇಶ್ವರ ದೇವಸ್ಥಾನ ನಿರ್ಮಾಣಕ್ಕೆ ಮುಖಂಡರಿಗೆ ಸಹಾಯಹಸ್ತ ವಿತರಿಸಿ ಅವರು ಮಾತನಾಡಿದರು. ಗ್ರಾಮೀಣ ಭಾಗದಲ್ಲಿ ಜನರು ನೆಮ್ಮದಿಯ ಬದುಕು ನಡೆಸಲು ದೇವಾಲಯಗಳ ಪಾತ್ರ ಹೆಚ್ಚು ಇರುತ್ತದೆ. ಏನೇ ಕಷ್ಟಗಳು ಎದುರಾದರೆ ಭಕ್ತಾಧಿಗಳು ಮೊದಲು ಹೇಳಿಕೊಳ್ಳುವುದು ದೇವರ ಬಳಿ ಮಾತ್ರ. ಇಷ್ಟಾರ್ಥಗಳನ್ನು ಈಡೇರಿಸುವ ದೇವರುಗಳ ದೇವಾಲಯಗಳ ಜೀರ್ಣೋದ್ಧಾರಕ್ಕೆ ಎಲ್ಲರ ಸಹಕಾರ ಅತ್ಯವಶ್ಯವಾಗಿರುತ್ತದೆ ಎಂದರು.ಈ ವೇಳೆಯಲ್ಲಿ ಬೀರಸಂದ್ರ ಗ್ರಾಮದ ಮುಖಂಡರಾದ ಮದ್ದುರಪ್ಪ, ರಾಜಣ್ಣ, ಗ್ರಾಮದ ಮುಖಂಡರು ಇದ್ದರು.