ಅರಣ್ಯ ರಕ್ಷಣೆಯಲ್ಲಿ‌ ಪ್ರಾಣ ತೆತ್ತವರ ಕಾಳಜಿ ಇಂದಿನವರಿಗೆ ಪ್ರೇರಣೆಯಾಗಬೇಕು : ಡಿಸಿಎಫ್ ಗೋಪಾಲಕೃಷ್ಣ ಹೆಗಡೆ

ಜಿಲ್ಲಾ ಸುದ್ದಿಗಳು 

ಯಲ್ಲಾಪುರ:

ಪಟ್ಟಣದ ಅರಣ್ಯ ಉಪ ವಿಭಾಗದ ಕಚೇರಿ ಆವರಣದಲ್ಲಿ ಅರಣ್ಯಾಧಿಕಾರಿಗಳು ಹಾಗೂ ಸಿಬ್ಬಂದಿಗಳು ಸೇ.11ರಂದು ‘ಅರಣ್ಯ ಹುತಾತ್ಮ ದಿನಾಚರಣೆ’ ದಿನದಂದು ಹುತಾತ್ಮರಾದ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳಿಗೆ ಶ್ರದ್ಧಾಂಜಲಿ ಸಲ್ಲಿಸಿದರು.

ಉಪ ಅರಣ್ಯ ಸಂರಕ್ಷಣಾಧಿಕಾರಿ ಗೋಪಾಲಕೃಷ್ಣ ಹೆಗಡೆಯವರು ಹುತಾತ್ಮರ ಸ್ಮಾರಕಕ್ಕೆ ಹೂಗುಚ್ಛ ಅರ್ಪಿಸಿ ಮಾತನಾಡಿ, ಅರಣ್ಯ ಪ್ರಾಣವನ್ನು ತೆತ್ತ ವೀರ ಅರಣ್ಯ ಅಧಿಕಾರಿಗಳು ಸಿಬ್ಬಂದಿಗಳು ತ್ಯಾಗ ಹಾಗೂ ಬಲಿದಾನ ಕರ್ತವ್ಯ ನಿರ್ವಹಿಸುತ್ತಿರುವ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳಿಗೆ ಪ್ರೇರಣೆಯಾಗಬೇಕು ಎಂದು ಹೇಳಿದರು.

ಯಲ್ಲಾಪುರ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಅಶೋಕ ಭಟ್ಟ, ವಲಯ ಅರಣ್ಯಾಧಿಕಾರಿ‌ ಬಾಲಸುಬ್ರಹ್ಮಣ್ಯಂ, ನಧಾಫ್ ಕಿರವತ್ತಿ, ಮಹೇಶ ಕೆ ಮಂಚಿಕೇರಿ, ಮಿರ್ಜಾನಕರ್, ಇನ್ನಿತರ ವಲಯ ಅರಣ್ಯಾಧಿಕಾರಿಗಳು, ಡಿಆರ್.ಎಫ್.ಓಗಳು, ಅರಣ್ಯ ರಕ್ಷಕರು, ಅರಣ್ಯ ವೀಕ್ಷಕರು ಡಿಸಿಎಫ್ ಕಚೇರಿಯ ಎಲ್ಲಾ ಸಿಬ್ಬಂದಿಗಳು ಉಪಸ್ಥಿತರಿದ್ದರು.

ವರದಿ: ಅಭಯ್ ನಾಯಕ, ಯಲ್ಲಾಪುರ

9483613955