ಹೊನ್ನಾವರದ ಅಗ್ರಹಾರದಲ್ಲಿ ಮಟ್ಕಾ ಆಡಿಸುತ್ತಿದ್ದ ವ್ಯಕ್ತಿ ಪೋಲೀಸರ ವಶಕ್ಕೆ.

ಜಿಲ್ಲಾ ಸುದ್ದಿಗಳು ಹೊನ್ನಾವರ

ಹಳದಿಪುರ ಗ್ರಾಮದ ಬಂಗಾರ ಮಕ್ಕಿಯ 53 ವರ್ಷದ ಸೀತಾರಾಮ ಮಾದೇವ ನಾಯ್ಕ ಆರೋಪಿಯಾಗಿದ್ದಾನೆ.ಹೊನ್ನಾವರ ತಾಲೂಕಿನ ಹಳದಿಪುರ ಅಗ್ರಹಾರದ ಚಿಪ್ಪಿಹಕ್ಕಲ್ ಕ್ರಾಸ್ ಹತ್ತಿರ ಸಾರ್ವಜನಿಕ ಸ್ಥಳದಲ್ಲಿ ಸಾರ್ವಜನಿಕರಿಂದ ಹಣವನ್ನು ಪಡೆದು ಓಸಿ ಅಂಕಿ ಸಂಖ್ಯೆಗಳ ಮೇಲೆ ಪಂಥವನ್ನಾಗಿ ಕಟ್ಟಿಸಿಕೋಂಡು ಓಸಿ ಮಟ್ಕಾ ಆಡುತ್ತಿದ್ದಾಗ ಖಚಿತ ಮಾಹಿತಿ ಪಡೆದ ಹೊನ್ನಾವರ ಪಿ.ಎಸ್.ಐ ಮಹಾಂತೇಶ್ ಉದಯ ನಾಯ್ಕ ದಾಳಿ ನಡೆಸಿ ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ.

ಈ ವೇಳೆ ಆರೋಪಿಯಿಂದ ಮಟ್ಕಾ ಜೂಜಾಟದ ಸಾಮಾಗ್ರಿಗಳು ಹಾಗೂ 750 ರೂಪಾಯಿಗಳನ್ನು ವಶಕ್ಕೆ ಪಡೆದಿದ್ದಾರೆ. ಹೊನ್ನಾವರ ಠಾಣೆಯಲ್ಲಿ ಈ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆದಿದೆ.