ಶ್ರೀ ಗುರು ಮಂಟೇಶ್ವರ ಪ್ರೌಢಶಾಲೆಗೆ ಶೇ 100 ರಷ್ಟು ಫಲಿತಾಂಶ

 ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ: ಇಳಕಲ್ಲ ತಾಲೂಕಿನ ಕೆಲೂರ ಗ್ರಾಮದ ಶ್ರೀ ಗುರು ಮಂಟೇಶ್ವರ ಪ್ರೌಢಶಾಲೆಯ ಎಸ್.ಎಸ್.ಎಲ್.ಸಿ ಫಲಿತಾಂಶ ಶೇ 100ಕ್ಕೆ 100 ರಷ್ಟು ಲಭಿಸಿದೆ.

ಪರೀಕ್ಷೆ ಬರೆದ ಎಲ್ಲ 25 ವಿದ್ಯಾರ್ಥಿಗಳು ತೇರ್ಗಡೆಯಾಗಿದ್ದಾರೆ. 17 ಜನ ಶೇ 90 ಮೇಲ್ಪಟ್ಟು, 7 ಜನ ಶೇ 80 ಮೇಲ್ಪಟ್ಟು ಹಾಗೂ ಒಬ್ಬರು ಮಾತ್ರ ಶೇ 76 ಮೇಲ್ಪಟ್ಟು ಅಂಕ ಗಳಿಸಿ ಸಾಧನೆಗೈದಿದ್ದಾರೆ. ಒಟ್ಟು 23 ಜನ ಉನ್ನತ ದರ್ಜೆ,ಇಬ್ಬರು ಮಾತ್ರ ಪ್ರಥಮ ದರ್ಜೆಯಲ್ಲಿ ಉತ್ತೀರ್ಣರಾಗಿ ಶಾಲೆಗೆ ಕೀರ್ತಿ ತಂದಿದ್ದಾರೆ.

ಶಾಲೆಗೆ ಪ್ರಥಮ : ಬಸವರಾಜ ತೋಟಗೇರ,ಬಸವರಾಜ ಕುಂಚಗನೂರ 625 ಕ್ಕೆ 591 ಅಂಕ (94.56%),
ಶಾಲೆಗೆ ದ್ವಿತೀಯ :ರೇಣುಕಾ ಗೋನಾಳ 625 ಕ್ಕೆ 589 ಅಂಕ (94.24%),
ಶಾಲೆಗೆ ತೃತೀಯ: ಸಂತೋಷ ಬಡಿಗೇರ 625 ಕ್ಕೆ 587 (93.92%) ಅಂಕ ಪಡೆದಿದ್ದಾರೆ.

ವಿದ್ಯಾರ್ಥಿಗಳ ಈ ಸಾಧನೆಗೆ ಬಸವೇಶ್ವರ ವೀರಶೈವ ವಿದ್ಯಾವರ್ಧಕ ಸಂಸ್ಥೆಯ ಕಾರ್ಯಾಧ್ಯಕ್ಷರು ಹಾಗೂ ಗೌರವಾನ್ವಿತ ಶಾಸಕರಾದ ವೀರಣ್ಣ ಚರಂತಿಮಠ,ಶಾಲಾ ಆಡಳಿತ ಮಂಡಳಿಯ ಕಾರ್ಯಾಧ್ಯಕ್ಷರಾದ ಮಹಾಂತೇಶ ಶೆಟ್ಟರ,ಕೆಲೂರ ಗ್ರಾಮ ಪಂಚಾಯತ್ ಅಧ್ಯಕ್ಷರು ಹಾಗೂ ಸದಸ್ಯರು,ಗ್ರಾಮದ ಹಿರಿಯರು,ನಾಗರಿಕರು,ಶಾಲಾ ಮುಖ್ಯೋಪಾಧ್ಯಾಯರು ಮತ್ತು ಸಿಬ್ಬಂದಿಯವರು ಮೆಚ್ವುಗೆ ವ್ಯಕ್ತ ಪಡಿಸಿದ್ದಾರೆ.