ಕೋವಿಡ್‍ನಿಂದ ಮೃತಪಟ್ಟ ಎಸ್.ಸಿ ಕುಟುಂಬಕ್ಕೆ ಸಹಾಯಧನ

 ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ : ಕೇಂದ್ರ ಸರ್ಕಾರ ಆದೇಶದನ್ವಯ ಕೋವಿಡ್ ಸೋಂಕಿನ ಎರಡನೇ ಅಲೆಯಲ್ಲಿ ಮರಣ ಹೊಂದಿರುವ ಪರಿಶಿಷ್ಟ ಜಾತಿಯ ಕುಟುಂಬದವರಿಗೆ ಎನ್.ಎಸ್.ಎಫ್.ಡಿಯಿಂದ 5 ಲಕ್ಷ ರೂ. ಇದರಲ್ಲಿ ಶೇ.6 ರಷ್ಟು ಬಡ್ಡಿ ದರದಲ್ಲಿ 4 ಲಕ್ಷ ರೂ ಅವಧಿಸಾಲ ಮತ್ತು 1 ಲಕ್ಷ ಸಹಾಯಧನ ರೂಪದಲ್ಲಿ ಆರ್ಥಿಕ ಸಹಾಯ ನೀಡಲು ಉದ್ದೇಶಿಸಲಾಗಿದೆ. ಈ ಯೋಜನೆಯಡಿ ಸೌಲಭ್ಯ ಪಡೆಯಲು ಮೃತ ವ್ಯಕ್ತಿ ಪರಿಶಿಷ್ಟ ಜಾತಿಗೆ ಸೇರಿದ್ದು, 18 ರಿಂದ 60 ವರ್ಷದೊಳಗಿರಬೇಕು. ವಾರ್ಷಿಕ ಆದಾಯ 3 ಲಕ್ಷ ರೂ ಒಳಗಿರಬೇಕು ಹಾಗೂ ಕೋವಿಡ್‍ನಿಂದ ಮರಣ ಹೊಂದಿದ ಮರಣ ಪ್ರಮಾಣ ಪತ್ರ ಅಗತ್ಯ ದಾಖಲಾತಿಗಳೊಂದಿಗೆ ಜಿಲ್ಲಾ ವ್ಯವಸ್ಥಾಪಕರು, ಡಾ.ಬಿ.ಆರ್.ಅಂಬೇಡ್ಕರ್ ಅಭಿವೃದ್ಧಿ ನಿಗಮ ಬಾಗಲಕೋಟೆ ಕಚೇರಿಗೆ ಜೂನ್ 28 ಒಳಗಾಗಿ ಸಲ್ಲಿಸುವಂತೆ ಸಲ್ಲಿಸುವಂತ ಪ್ರಕಟಣೆ ತಿಳಿಸಿದೆ.