ಬಹುತಾರಾಂಗಣದ ಅಸುರನ ಕೈಯಲ್ಲಿ ಪಾರಿಜಾತ ಚಿತ್ರದ ಚಿತ್ರೀಕರಣ ಮುಕ್ತಾಯ :

ಕನ್ನಡ ಚಿತ್ರರಂಗ ಸದಭಿರುಚಿಯ ಚಿತ್ರಗಳನ್ನು ತಯಾರಿಸುವಲ್ಲಿ ಪ್ರಮುಖ ಪಾತ್ರದಲ್ಲಿದೆ ಅದಕ್ಕೆ ಸರಿ ಹೊಂದುವಂತೆ ವಿಭಿನ್ನ ಕಥಾವಸ್ತು ಮತ್ತು ಶೀರ್ಷಿಕೆಯಿಂದಿಗೆ ” ಅಸುರನ ಕೈಯಲ್ಲಿ ಪಾರಿಜಾತ ” ಚಿತ್ರದ ಚಿತ್ರೀಕರಣ ಮುಕ್ತಾಯಗೊಂಡಿದೆ.

ಚಿತ್ರದ ಶೀರ್ಷಿಕೆ ಮಾತ್ರವಲ್ಲದೆ Poster ನಲ್ಲೆ ಕುತೂಹಲ ಮೂಡಿಸಿರುವ ” ಅಸುರನ ಕೈಯಲ್ಲಿ ಪಾರಿಜಾತ ” ಚಿತ್ರದಲ್ಲಿ ದೊಡ್ಡ ತಾರಾ ಬಳಗವೇ ಇದೆ . ಈ ಹಿಂದೆ ” ಶಾಂತಿಯನ್ನು ಕಳೆದು ಕೊಳ್ಳಬೇಡಿ ” ಎನ್ನುವ ಚಿತ್ರವನ್ನು ನಿರ್ದೇಶನ ಮಾಡಿದ್ದ ತೇಜಸ್ವಿ ವಿಘ್ನೇಶ್ ಈ ಚಿತ್ರಕ್ಕೆ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ . ಚಿತ್ರಕ್ಕೆ ಸಂಭಾಷಣೆ ಮತ್ತು ಚಿತ್ರಕಥೆ ಬರೆದಿರುವ ಪ್ರಬಿಕ್ ಮೊಗವೀರ್ ಚಿತ್ರದ ನಿರ್ಮಾಣದ ಜವಬ್ದಾರಿಯನ್ನು ಹೊತ್ತಿದ್ದಾರೆ , ಇದು ಪ್ರಬಿಕ್ ಮೊಗವೀರ್ ನಿರ್ಮಾಣದ 4 ನೇ ಚಿತ್ರ

ಚಿತ್ರದ ವಿಶೇಷ ಪಾತ್ರದಲ್ಲಿ ಪ್ರಮೋದ್ ಶೆಟ್ಟಿ ಮತ್ತು ಮುಖ್ಯ ಪಾತ್ರದಲ್ಲಿ ಯಶ್ ಶೆಟ್ಟಿ , ರಜಿನಿ , ಕಾರ್ತಿಕ್ ಜಿ , ಪ್ರಬಿಕ್ ಮೊಗವೀರ್ ಕಾಣಿಸಿಕೊಂಡಿದ್ದಾರೆ.
ಇನ್ನೂಳಿದಂತೆ ಪ್ರದೀಪ ಪೂಜಾರಿ , ಕೆ ಎಸ್ ಶ್ರೀಧರ್ , ಮಂಜುನಾಥ್ ಹೆಗ್ಡೆ , ಪೂಜಾ ಕೊಪ್ರೇಕರ್ , ಸಹನಾ ಗೌಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

ಅಸುರನ ಕೈಯಲ್ಲಿ ಪಾರಿಜಾತ ಚಿತ್ರ ಬೆಂಗಳೂರು ಸೇರಿದಂತೆ ಹಲವು ಕಡೆ ಚಿತ್ರೀಕರಣ ಮುಗಿಸಿರುವ ಅದ್ದೂರಿ ಚಿತ್ರದಲ್ಲಿ ಮನರಂಜನೆಗೆ ಕೊರತೆಯಿಲ್ಲಾ , ಚಿತ್ರದಲ್ಲಿ Love – Mild Crim – Suspense – Thriller ಸೇರಿದಂತೆ ಎಲ್ಲಾ ಅಂಶಗಳನ್ನು ಒಳಗೊಂಡ ಪರಿಪೂರ್ಣ ಚಿತ್ರ ಎನ್ನುವುದು ಚಿತ್ರತಂಡದ ಮಾಹಿತಿ.

ಚಿತ್ರಕ್ಕೆ ರಾಕೇಶ್ ಸಿ ತಿಲಕ್ ಛಾಯಾಗ್ರಹಣ , ಕ್ರಿಷ್ಟಪರ್ ಜಾಯ್ಸನ್ ಸಂಗೀತ , ರವೀಶ್ ಆತ್ಮರಾಮ ಅವರ ಸಂಕಲನವಿದೆ.
ಚಿತ್ರದ Post – Production ಕೆಲಸಗಳು Kings Frame Studio ದಲ್ಲಿ ಆರಂಭವಾಗಿದ್ದು , ಇನ್ನೇನು ಸಧ್ಯದಲ್ಲಿ ಚಿತ್ರದ ಕೆಲಸಗಳು ಪೂರ್ಣಗೊಳ್ಳಲಿದೆ.

ಎಲ್ಲಾ ಅಂದು ಕೊಂಡಂತೆ ಆದರೆ ಕನ್ನಡ ಸಿನಿ ರಸಿಕರಿಗೆ ” ಅಸುರನ ಕೈಯಲ್ಲಿ ಪಾರಿಜಾತ ” ಚಿತ್ರವನ್ನು ಕ್ರಿಸ್ಮಸ್ ಹಬ್ಬಕ್ಕೆ ಬಿಡುಗಡೆ ಮಾಡಲು ಚಿತ್ರತಂಡ ಉತ್ಸಾಹಕವಾಗಿದೆ.