ಚಡ್ಡಿವಾಲಗಳಿಂದ ದೇಶ ರಕ್ಷಣೆ ಸಾಧ್ಯವಿಲ್ಲ- ಬಿ.ಕೆ.ಹರಿಪ್ರಸಾದ

ಕುಮಟಾ :

ಖಾಕಿ ಚಡ್ಡಿ , ಕಪ್ಪು ಟೋಪಿ ಹಾಗೂ ಕೈಯಲ್ಲೊಂದು ದೊಣ್ಣೆ ಹಿಡಿಯುವವರಿಂದ ದೇಶದ ರಕ್ಷಣೆ ಸಾಧ್ಯವಿಲ್ಲ . ಕಂಡವರ ಮಕ್ಕಳನ್ನು ಬಾವಿಗೆ ಹಾಕಿ ಆಳ ನೋಡುವುದು ಆರ್‌ಎಸ್‌ಎಸ್ ಮತ್ತು ಬಿಜೆಪಿ ಸಂಸ್ಕೃತಿ , ಆದರೆ ಕಾಂಗ್ರೆಸ್ ಭಾರತ ದೇಶವನ್ನು ರಕ್ಷಣೆ ಮಾಡಲು ಜನ್ಮ ತಾಳಿದೆ ಎಂದು ವಿಧಾನ ಪರಿಷತ್ ವಿರೋಧ ಪಕ್ಷದ ನಾಯಕ ಬಿ.ಕೆ. ಹರಿಪ್ರಸಾದ ಹೇಳಿದರು .

ಅವರು ಪಟ್ಟಣದ ಗಿಬ್ ಹೈಸ್ಕೂಲಿನ ಸಮೀಪದ ಲಕ್ಷ್ಮೀಬಾವಿ ಬುರ್ಡೇಕರ ಹಾಲ್‌ನಲ್ಲಿ ಬಿ.ಕೆ. ಹರಿಪ್ರಸಾದ ಅಭಿನಂದನಾ ಸಮಿತಿ ‘ ಆಯೋಜಿಸಿದ್ದ ” ಅಭಿನಂದನಾ ಕಾರ್ಯಕ್ರಮ’ದಲ್ಲಿ ಸನ್ಮಾನ ಸ್ವೀಕರಿಸಿ ಮಾತನಾಡಿದರು . ದೌರ್ಜನ್ಯ ಮತ್ತು ದಬ್ಬಾಳಿಕೆ , ಶೋಷಣೆಗಳು ಕಡಿಮೆಯಾಗಿ ರಾಮ ರಾಜ್ಯ ನಿರ್ಮಾಣವಾಗಬೇಕೆಂದು ಗಾಂಧೀಜಿ ಕನಸು ಕಂಡಿದ್ದರು . ಆದರೆ ಬಿಜೆಪಿ ನಾಯಕರು ಇಂದು ಮಹಿಳೆಯರ ಧರ್ಮಗಳ ಮೇಲೆ ದೌರ್ಜನ್ಯ , ನಡುವೆ ಸಂಘರ್ಷ ಏರ್ಪಡಿಸಿ , ರಾಮಮಂದಿರ ಅಯೋಧ್ಯೆಯಲ್ಲಿ ನಿರ್ಮಾಣಕ್ಕೆ ಹೊರಟಿದ್ದಾರೆ . ನಮ್ಮ ದೇಶದಲ್ಲಿ ವಿವಿಧ ಧರ್ಮ , ಜಾತಿ , ಮತಗಳಿವೆ . ಎಲ್ಲರೂ ನಮಗೆ ಒಂದೇ ಎಂಬ ಭಾವನೆಯನ್ನು ಭಾವನೆಯನ್ನು ಕಾಂಗ್ರೆಸ್ ಮೂಡಿಸಿದೆ ಎಂದರು .