ಮೂರು ದಶಕಗಳ ನಂತರ ಗ್ರಾಮ ದೇವತೆ ಜಾತ್ರೆ

ಜಿಲ್ಲಾ ಸುದ್ದಿಗಳು

ಬಾಗಲಕೋಟೆ:ಐತಿಹಾಸಿಕ ಗ್ರಾಮ ದೇವಿಯಾದ ದ್ಯಾಮವ್ವದೇವಿ ಜಾತ್ರೆ ಮೂರು ದಶಕಗಳ ನಂತರ ಡಿ.20 ರಿಂದ 24 ರ ವರೆಗೆ ಅದ್ದೂರಿಯಾಗಿ ಮಾಡಲು ನಿರ್ಧರಿಸಲಾಗಿದೆ.

ಶುಕ್ರವಾರ ನಗರದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ಡಿ.20 ಸೋಮವಾರ ಬೆಳಿಗ್ಗೆ 9:30 ಕ್ಕೆ ನಗರದ ಪ್ರಮುಖ ಬೀದಿಗಳಲ್ಲಿ ಶ್ರೀ ದೇವಿಯ ಭವ್ಯ ಮೆರವಣಿಗೆ ನಡೆಯಲಿದೆ.21 ಮಂಗಳವಾರ ದಿಂದ ಬುಧವಾರದವರೆಗೆ ಹೋಮ ಹವನ ಹಾಗೂ ದೇವಿಯ ಪ್ರಾಣ ಪ್ರತಿಷ್ಠಾಪನೆ ಮಾಡಲಾಗುವುದು. 23 ರಿಂದ 24 ರವರೆಗೆ ಸಾರ್ವಜನಿಕರಿಂದ ದೇವಿಗೆ ಉಡಿ ತುಂಬುವ ಕಾರ್ಯ ಆಯೋಜಿಸಲಾಗಿದೆ.

ಈ ಸಂದರ್ಭದಲ್ಲಿ ಸಮಿತಿಯ ಸದಸ್ಯರಾದ ಬಂಡೇರಾವ ಸರ್ದೇಸಾಯಿ,ಸಂಗಯ್ಯ ಸರಗಣಾಚಾರಿ,ಅಶೋಕ ಲಿಂಬಾವಳಿ,ಗುಂಡುರಾವ ಶಿಂಧೆ,ಕಾಂತುಬಾ ಪತ್ತಾರ,ಸದಾನಂದ ನಾರಾ, ಸುರೇಶ ಮಜ್ಜಗಿ,ಶ್ರೀನಾಥ ಸಜ್ಜನ ಮುಂತಾದವರು ಇದ್ದರು.