“ಪಿಯುಸಿಯಲ್ಲಿ ಹೆಚ್ಚು ಅಂಕಗಳಿಸಿದ ವಿದ್ಯಾರ್ಥಿಗಳಿಗೆ ತಾಲೂಕು ಪಂಚಾಯತ್ ಕಾರ್ಯನಿರ್ವಾಹಕ ಅಧಿಕಾರಿಯಿಂದ ಸನ್ಮಾನ”.

ಲಿಂಗಸಗೂರು:ರಾಯಚೂರು ಜಿಲ್ಲೆಯ ಲಿಂಗಸಗೂರು ತಾಲ್ಲೂಕಿನ ಹುಲಿಗುಡ್ಡ ಗ್ರಾಮದ ವಾರ್ಡ್ ನಂಬರ್ 18 ರಲ್ಲಿಯ ವಿದ್ಯಾರ್ಥಿಗಳಾದ ಸೋಮು ಪಾಟೀಲ್. ಮುತ್ತಣ್ಣ ಪಾಟೀಲ್. ರೆಡ್ಡಿ ಶಂಕರಗೌಡ ಇವರು ಪಿಯುಸಿಯಲ್ಲಿ ಶೇಕಡ 80ರಷ್ಟು ಅಂಕ ಗಳಿಸಿದ್ದಕ್ಕಾಗಿ ತಾಲೂಕ ಪಂಚಾಯತ್ ಕಾರ್ಯನಿರ್ವಾಹಕ ಅಧಿಕಾರಿ ಸೋಮಶೇಖರ್ ಬಿರಾದರ್ ವಿದ್ಯಾರ್ಥಿಗಳಿಗೆ ಸನ್ಮಾನಿಸಿ ಶ್ಲಾಘಿಸಿದರು.

ಇದೇ ಸಂದರ್ಭದಲ್ಲಿ ಮಾತನಾಡಿ ವಿದ್ಯಾರ್ಥಿಗಳು ಹೆಚ್ಚು ಹೆಚ್ಚು ಅಭ್ಯಾಸ ಮಾಡುವುದರ ಮೂಲಕ ಒಳ್ಳೆಯ ಉದ್ಯೋಗವನ್ನು ಪಡೆದುಕೊಂಡು ತಂದೆ-ತಾಯಿಗೆ ಹೆಸರು ತರುವಂತಾಗಬೇಕು ಗ್ರಾಮದ ಹೆಸರನ್ನು ರಾಜ್ಯದ್ಯಂತ ಗುರುತಿಸುವಂತಾಗಬೇಕು ಎಂದು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು. ಇದೇ ಸಂದರ್ಭದಲ್ಲಿ ಗ್ರಾಮದ ಮುಖಂಡರಾದ ಗುಂಡೂರಾವ್ ಕುಲಕರ್ಣಿ. ಸಿದ್ದಪ್ಪ. ಚೆನ್ನಾರೆಡ್ಡಿ ಬಿರಾದಾರ ಉಪಸ್ಥಿತರಿದ್ದರು.