ಜೀಲ್ಲಾ ಸುದ್ದಿಗಳು

ಅಂಬಿಗ ನ್ಯೂಸ್ ಯಾದಗಿರಿ

ಯಾದಗಿರಿ: ಗ್ರೀನ್​ ಝೋನ್​ ಲಿಸ್ಟ್​ನಲ್ಲಿರುವ ಜಿಲ್ಲೆಗೆ ಇದೀಗ ಕೊರೊನಾ ಕಂಟಕ ಎದುರಾಗಿದೆ.

ಜಿಲ್ಲೆಯಲ್ಲಿ ಯಾವುದೇ ಕೊರೊನಾ ಸೋಂಕು ಪತ್ತೆಯಾಗದಿದ್ರೂ, ಕೊರೊನಾ ಸೋಂಕಿತನ ಟ್ರಾವೆಲ್​ ಹಿಸ್ಟರಿಯಲ್ಲಿ ಯಾದಗಿರಿ ಹೆಸರು ಕೇಳಿ ಬಂದಿರೋದು ಇದೀಗ ಜಿಲ್ಲೆಯಲ್ಲಿ ಆತಂಕ ಹೆಚ್ಚಿಸಿದೆ.

P-413ನೇ ಕೊರೊನಾ ಸೋಂಕಿತ ಕಲಬುರಗಿಯಿಂದ ಯಾದಗಿರಿಗೆ ತನ್ನ ದ್ವಿಚಕ್ರ ವಾಹನದಲ್ಲಿ ಪ್ರಯಾಣ ಮಾಡಿರೋದ್ರ ಬಗ್ಗೆ ಮಾಹಿತಿ ಹೊರಬಿದ್ದಿದೆ.

ಆತನಿಗೆ ಯಾದಗಿರಿಯಲ್ಲಿ ಕನ್ನಡಕದ ಅಂಗಡಿ ಇದ್ದು, ಆತ ಕೊರೊನಾ ಸೋಂಕಿರೋದು ಗೊತ್ತಾಗುವವರೆಗೂ ಅಂದ್ರೆ ಏಪ್ರಿಲ್​ 15ರಿಂದ 22 ರ ವರೆಗೂ ಆತ ಅಂಗಡಿಯನ್ನ ತೆರೆದು ಮಾರಾಟ ಮಾಡಿದ್ದ ಅನ್ನೋದು ಟ್ರಾವೆಲ್​ ಹಿಸ್ಟರಿಯಿಂದ ತಿಳಿದು ಬಂದಿದೆ.

ಇನ್ನು ಈತನ ಜೊತೆ ಪ್ರಾಥಮಿಕ ಸಂಪರ್ಕದಲ್ಲಿದ್ದ ಇಬ್ಬರನ್ನು ಪತ್ತೆ ಹಚ್ಚಿದ ಜಿಲ್ಲಾಡಳಿತ ಅವರನ್ನ ಕ್ವಾರಂಟೈನ್​ನಲ್ಲಿರಿಸಿದೆ. ದ್ವಿತೀಯ ಸಂಪರ್ಕದಲ್ಲಿರುವವರಿಗಾಗಿ ಈಗ ತೀವ್ರ ಶೋಧ ನಡೆಯುತ್ತಿದೆ ಎಂದು ಜಿಲ್ಲಾಡಳಿತ ಅಧಿಕೃತ ಮಾಹಿತಿ ನೀಡಿದೆ.