ಸ್ನೇಹಿತನೇ ಕೊಲೆ ಮಾಡಿದ್ದಾನೆ ಎಂದು ಮಹೇಶ ಸಹೋದರ ಆರೋಪ

• ಮಹೇಶನ ಕುತ್ತಿಗೆ ಭಾಗದಲ್ಲಿ ಚಾಕು ಇರಿದಿರುವ ಗುರುತು ಪತ್ತೆಯಾಗಿದೆ

• ಯಾರಾದರು ಚಾಕುವಿನಿಂದ ಕೊಲೆ ಮಾಡಿದ್ದಾರೋ ಅನ್ನೋ ಬಗ್ಗೆ ತನಿಖೆ

ಚಿಕ್ಕೋಡಿ: ಗೆಳೆಯರ ಜೊತೆ ಪಾರ್ಟಿ ಮಾಡಲು ಹೋಗಿದ್ದ ಯುವಕ ಅನುಮಾನಾಸ್ಪದವಾಗಿ ಸಾವನ್ನಪ್ಪಿರೋ ಘಟನೆ ರಾಯಬಾಗ ತಾಲೂಕಿನ ಪರಮಾನಂದವಾಡಿ ಗ್ರಾಮದಲ್ಲಿ ನಡೆದಿದೆ. ಮಹೇಶ ರಾಜು ಪಟ್ಟಣಕೂಡಿ ಮೃತ ಯುವಕ.

26 ವರ್ಷದ ಮಹೇಶನನ್ನು ಆತನ ಸ್ನೇಹಿತನೇ ಕೊಲೆ ಮಾಡಿದ್ದಾನೆ ಮಹೇಶನ ಸಹೋದರ ಉಮೇಶ ಆರೋಪಿಸಿದ್ದಾರೆ. ಯಾಕಂದ್ರೆ ಮಹೇಶನ ಕುತ್ತಿಗೆ ಭಾಗದಲ್ಲಿ ಚಾಕು ಇರಿದಿರುವ ಗುರುತು ಪತ್ತೆಯಾಗಿದೆ.

ನಿನ್ನೆ ರಾತ್ರಿ ಮಹೇಶ ಹಾಗೂ ಆತನ ಗೆಳೆಯ ಬೆನೂರ ರಮೇಶ ಇಬ್ಬರೂ ಕೂಡಿ ಪಾರ್ಟಿ‌ ಮಾಡಿದ್ದಾರೆ. ನಿನ್ನೆ ಇಬ್ಬರೂ ಮದ್ಯ ಸೇವನೆ ಮಾಡಿದ್ದರಂತೆ. ನನ್ನ ಸಹೋದರ ಮಹೇಶನನ್ನು ರಮೇಶ ಕೊಲೆ ಮಾಡಿದ್ದಾನೆ ಎಂದು ಉಮೇಶ ಸಂಶಯ ವ್ಯಕ್ತಪಡಿಸಿದ್ದಾರೆ.

ಘಟನಾ ಸ್ಥಳಕ್ಕೆ ರಾಯಬಾಗ ಪೋಲಿಸರು ಭೇಟಿ ನೀಡಿ ಪರಿಶೀಲನೆ ನೀಡಿದ್ದಾರೆ. ಮಹೇಶನ ಸಾವಿಗೆ ಕಾರಣ ತಿಳಿದು ಬಂದಿಲ್ಲ. ಯಾರಾದರು ಚಾಕುವಿನಿಂದ ಕೊಲೆ ಮಾಡಿದ್ದಾರೋ ಅಥವಾ ಸ್ನೇಹಿತನೇ ಕೊಲೆ ಮಾಡಿದ್ದಾನೋ ಅನ್ನೋ ಸತ್ಯ ಪೊಲೀಸರ ತನಿಖೆ ಬಳಿಕ ಬಯಲಾಗಲಿದೆ.