ಲಿಂಗಸುಗೂರು: ಪಟ್ಟಣದ ಅಯ್ಯಪ್ಪ ಸ್ವಾಮಿ ದೇವಸ್ಥಾನದ ಆವರಣದಲ್ಲಿ ದಿನಾಂಕ 10.07.2023 ಸೋಮವಾರ ರಂದು ಬೆಳಿಗ್ಗೆ 11:30 ಕ್ಕೆ ಇನ್ನರ್ ವೀಲ್ ಕ್ಲಬ್ ಲಿಂಗಸುಗೂರು ತಾಲೂಕಿನ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭ ಹಮ್ಮಿಕೊಳ್ಳಲಾಗಿದೆಂದು ನೂತನ ಅಧ್ಯಕ್ಷರಾದ ನಾಗವೇಣಿ ಪಾಟೀಲ್ ಹೇಳಿದರು.
ಪಟ್ಟಣದ ಪತ್ರಿಕೆ ಭವನದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ಈಗಾಗಲೇ ಕರ್ನಾಟಕದಲ್ಲಿ ಹಲವು ಜಿಲ್ಲೆಗಳಲ್ಲಿ ಇನ್ನರ್ ವೀಲ್ ಕ್ಲಬ್ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬೃಹತ್ ಮಹಿಳಾ ಸಂಘಟನೆ ಇದೆ, ಅದರಂತೆ ಲಿಂಗಸುಗೂರುನಲ್ಲಿ ಸಂಘಟನೆಯ ನೂತನ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಗಿದೆ. ಈ ಪದಗ್ರಹಣ ಸಮಾರಂಭಕ್ಕೆ ಡಿಸ್ಟ್ರಿಕ್ಟ್ ಅಧ್ಯಕ್ಷ ಡಾ.ಪಿ. ಮಾಧವಿದೇವಿ, ಡಿಸ್ಟ್ರಿಕ್ಟ್ ಎಡಿಟರ್ ಡಾ. ಪಾರ್ವತಿ ಪಳೋಟಿ, ಕುಷ್ಟಗಿ ಅಧ್ಯಕ್ಷರು ಸುಮಾ ಬ್ಯಾಳಿ, ಕಾರ್ಯದರ್ಶಿಗಳು ಗೌರಮ್ಮ ಕುಡುತಿನಿ, ವಂದನಾ ಗೋಗಿ ಮತ್ತು ಸ್ಥಳೀಯರಾದ ಲಕ್ಷ್ಮೀದೇವಿ ನಡುವಿನಮನಿ, ಶಿವಮ್ಮ ನಿವೃತ್ತ ಶಿಕ್ಷಕರು, ಲಯನ್ಸ್ ಕ್ಲಬ್ ಅಧ್ಯಕ್ಷರಾದ ಶರಣಬಸವ ಮೇಟಿ, ತಾಲೂಕಿನ ಅನೇಕ ಗಣ್ಯಮಾನ್ಯರು ಉಪಸ್ಥಿತರಿರುವರು.
ಅಂದು ನೂತನ ಅಧ್ಯಕ್ಷರಾಗಿ ನಾಗವೇಣಿ ಪಾಟೀಲ್, ಕಾರ್ಯದರ್ಶಿಯಾಗಿ ಸುಜಾತ ಮುದಗಲ್ ಹಾಗೂ ತಾಲೂಕ ಆಡಳಿತ ಮಂಡಳಿಯ ಪದಾಧಿಕಾರಿಗಳು ಹಾಗೂ ಸದಸ್ಯರು ಅಧಿಕಾರ ಸ್ವೀಕರಿಸಲಿದ್ದಾರೆ.
ಕ್ಲಬ್ ವತಿಯಿಂದ ಮುಂದಿನ ದಿನದಲ್ಲಿ ಬೇಸಿಗೆ ಕಾಲದಲ್ಲಿ ಸಾರ್ವಜನಿಕರಿಗೆ ಕುಡಿಯುವ ನೀರಿನ ಅರವಟ್ಟಿಗೆ, ಬಡ ಮಹಿಳೆಯರಿಗೆ ಆರೋಗ್ಯದ ಸಹಾಯ, ಉಚಿತ ಆರೋಗ್ಯ ಶಿಬಿರ ಏರ್ಪಡಿಸಲಾಗುವುದು, ಮಹಿಳೆಯರಿಗೆ ರಂಗೋಲಿ ಸ್ಪರ್ಧೆ, ಪುನೀತ್ ರಾಜಕುಮಾರ್ ಪುಣ್ಯಸ್ಮರಣೆ ದಿನ ಉಚಿತ ಕಣ್ಣಿನ ಶಸ್ತ್ರ ಚಿಕಿತ್ಸೆ ಶಿಬಿರ, ಕಲಿಕಾ ಕೇಂದ್ರದ ಬೋಧಕರಿಗೆ ತರಬೇತಿ ಕಾರ್ಯಗಳು, ಸರ್ಕಾರಿ ಶಾಲೆಯನ್ನು ದತ್ತು ತೆಗೆದುಕೊಂಡು ಶಾಲೆಗೆ ಸುಣ್ಣ ಬಣ್ಣ ಕಾರ್ಯಕ್ರಮ ಮಾಡಲಾಗುವುದು, ತಂದೆ ಅಥವಾ ತಾಯಿ ಇಲ್ಲದ ಶಾಲೆಯಲ್ಲಿದ್ದ ಮಗುವಿಗೆ ಖರ್ಚು ವೆಚ್ಚ ಬರಿಸಲಾಗುವುದಂತಹ ಅನೇಕ ಕಾರ್ಯಕ್ರಮಗಳನ್ನು ಮುಂದಿನ ದಿನಗಳಲ್ಲಿ ಹಮ್ಮಿಕೊಳ್ಳಲಾಗುವುದು ಎಂದರು.
Be the first to comment